14.09.2026 | 09:30
ՀՀ տարածքում ավտոճանապարհներն անցանելի են
Ադրբեջանի ՊՆ ղեկավարն այցելել է Լաչինի նոր զորամաս ու զինծառայողներին հրահանգել պահպանել ռազմական ու ծառայողական գաղտնիքները
Քաղաքականություն
11.02.2022 | 19:41
Ադրբեջանի պաշտպանության նախարար Զաքիր Հասանովն ու գերատեսչության ղեկավար կազմն այցելել են ադրբեջանական վերահսկողության տակ գտնվող Լաչին, ծանոթացել այնտեղ տեղակայված կապիտալ վերանորոգված նոր զորամասի պայմաններին, գրում են ադրբեջանական լրատվամիջոցները՝ վկայակոչելով ՊՆ-ին։
Նշվում է, որ Հասանովը խոսել է ռազմական ու ծառայողական գաղտնիքները պահպանելու անհրաժեշտության մասին:
«Զինծառայողների առաջ ելույթ ունենալիս Հասանովը անդրադարձել է ուժերի գործունեությանը, որոնք պատերազմից հետո տեղեկատվական դաշտում ձգտում են վնաս հասցնել ադրբեջանական բանակին։
Պաշտպանության նախարարն ընդգծել է զրպարտիչ և սադրիչ տեղեկատվության նկատմամբ ուշադիր լինելու, ռազմական և ծառայողական գաղտնիքները պահպանելու անհրաժեշտությունը»,-ասվում է հայտարարության մեջ։
Հավելենք, որ ավելի վաղ Զաքիր Հասանովն այցելել էր Քարավաճառ։
Էմմա Չոբանյան
