10.10.2026 | 15:55
Հոկտեմբերի 13-ից Հայաստանում սպասվում է անձրև և ամպրոպ
Որևէ գործընթացից պաշտպանվելու համար մարդիկ սկսում են խոսել իրենց նկատմամբ հետապնդումների մասին. ՏԵՍԱՆՅՈՒԹ
Հասարակություն
08.02.2022 | 15:11
Հայաստանի գլխավոր դատախազի տեղակալ, երկրորդ նախագահ Ռոբերտ Քոչարյանի գործով դատախազ Գևորգ Բաղդասարյանը հիմքեր չի տեսնում դատական համակարգի ճգնաժամի մասին պնդումների համար, առավել ևս՝ դատավորների հետապնդումների մասին հայտարարությունների համար։ Այս մասին նա նշեց լրագրողների հետ զրույցում՝ Քոչարյանի և Գևորգյանի գործով դատական նիստի հետաձգումից հետո:
Դատախազի խոսքով՝ շատ հաճախ որևէ գործընթացից պաշտպանվելու համար, պաշտպանվելու այլ հնարավորությունների բացակայության դեպքում, մարդիկ սկսում են խոսել իրենց նկատմամբ հետապնդումների մասին:
Անդրադառնալով արդարադատության նախարարության համար «անհարմար» դատավորների ցուցակի մասին դիտարկմանը, դատախազը նշեց, որ որևէ ցուցակից տեղյակ չէ:
«Դատախազության դիրքորոշումները և բոլոր նախաձեռնությունները նախատեսված են օրենքով»,- հավաստիացրեց գլխավոր դատախազի տեղակալը։
Մանրամասները՝ տեսանյութում:
