16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Ուկրաինայի և Մեծ Բրիտանիայի ԱԳ նախարարները քննարկել են Լեհաստանի հետ եռակողմ դաշինքի ստեղծման հարցը
Քաղաքականություն
02.02.2022 | 21:37
Ուկրաինայի ԱԳ նախարար Դմիտրի Կուլեբան իր բրիտանացի գործընկեր Լիզ Թրասի հետ հեռախոսազրույցում քննարկել է Ուկրաինա-Մեծ Բրիտանիա-Լեհաստան եռակողմ համագործակցության ձևաչափի ստեղծումը։ Նա նաև նշել է, որ առաջիկայում սպասում է բրիտանացի պաշտոնյայի այցին Կիև, Ուկրաինայի ԱԳՆ հաղորդագրությունն է փոխանցում ՏԱՍՍ-ը։
«Դմիտրի Կուլեբան և Էլիզաբեթ Թրասը համակարգել են հետագա քայլերը՝ Ուկրաինա-Մեծ Բրիտանիա-Լեհաստան համագործակցության եռակողմ ձևաչափի զարգացման համար»,- ասվում է հաղորդագրության մեջ։
Նշվում է, որ զրուցակիցները քննարկել են նաև Մեծ Բրիտանիայի վարչապետ Բորիս Ջոնսոնի՝ նախօրեին Ուկրաինա կատարած այցը և պայմանավորվել երկու պետությունների ղեկավարների կողմից ձեռք բերված պայմանավորվածությունների իրականացման առաջնահերթությունների շուրջ։ Երկու երկրների ԱԳ նախարարները նաև պայմանավորվել են սերտորեն համակարգել դիրքորոշումները Ռուսաստանի Դաշնության հետ Մեծ Բրիտանիայի շփումներում։
Էմմա Չոբանյան
