01.11.2024 | 10:33
Պիստակներում թաքցված թմրամիջոց․ Իրանի քաղաքացիներ են ձերբակալվել
Վրաստանի խոշոր քաղաքներում բողոքի ցույցեր են
Քաղաքականություն
02.02.2022 | 18:18
Վրաստանի չորս խոշոր քաղաքների՝ Թբիլիսիի, Քութայիսիի, Փոթիի և Քոբուլեթիի բնակիչները դուրս են եկել փողոց՝ բողոքելու երկրում գների բարձրացման դեմ, դեպքի վայրից հաղորդել է Sputnik-ի վրացական ծառայության թղթակիցը։
Մի քանի տասնյակ մարդկանց ձեռքին պաստառներ են՝ «Բարձրացրեք աշխատավարձերը», «Իշխանությունները ծիծաղում են մեզ վրա», «Ի՞նչ կա աշխատանքից», «Հնդկաձավարը թանկացել է 80 տոկոսով» գրություններով։
Ըստ ցուցարարների՝ Վրաստանն այն տասը երկրների թվում է, որոնց բնակիչներն ամենաշատն են ապաստան խնդրում արտասահմանում։
«Վրաստանը դառնում է թոշակառուների երկիր, երիտասարդները հեռանում են, խելացի, ուժեղ, աշխատունակ մարդիկ փախչում են Վրաստանից, սա կատարյալ աղետ է»,- ասել է ակտիվիստ Գեորգի Մումլաձեն։
Ցուցարարները պահանջում են իշխանություններից փոխել սակագները բարձրացնելու քաղաքականությունը և արմատախիլ անել կոռուպցիան, որը, ըստ նրանց, կրկին ի հայտ է եկել երկրում։
«Մարդկանց խոստացել են կիսով չափ նվազեցնել սակագները, նվազեցնել վառելիքի գներն առնվազն մեկ լարիով»,- ասել է ընդդիմադիր «Միացյալ ազգային շարժում» կուսակցության անդամ Իրակլի Նադիրաձեն։
Բողոքի ցույցերի վայրում մոբիլիզացվել են պարեկային և անվտանգության ծառայության աշխատակիցներ։ Բողոքի ցույցերն անցնում են առանց միջադեպերի։
Տաթև Ֆռանգյան
