19.05.2026 | 14:19
Առավոտ ասում են՝ սիրում ենք բոլորիդ, կեսօրին՝ սատկացնելու ու կզցնելու ենք բոլորիդ․ Էդգար Ղազարյան. ՏԵՍԱՆՅՈՒԹ
Կանադան երկարաձգել է ռազմական մարզչական առաքելությունը Ուկրաինայում
Քաղաքականություն
27.01.2022 | 20:20
Կանադայի կառավարությունը որոշել է երկարաձգել և ընդլայնել ուկրաինացի զինվորականների Unifier մարզչական առաքելությունը։ Այս մասին մամուլի ասուլիսի ժամանակ հայտարարել է Կանադայի վարչապետ Ջասթին Թրյուդոն։
«Այսօր ես երկարացնում եմ Unifier առաքելությունը ևս երեք տարով»,- ասել է կառավարության ղեկավարը՝ հավելելով, որ կանադացի ռազմական հրահանգիչների թիվը, ի վերջո, կկրկնապատկվի՝ 200-ից հասնելով 400-ի։
Թրյուդոն նաև ասել է, որ Օտտավան կշարունակի Կիևին ոչ մահաբեր զենք մատակարարել, հետախուզական տեղեկատվության փոխանակում և աջակցություն տրամադրել կիբերհարձակումների դեմ պայքարում։ Բացի այդ, նրա խոսքով, առաջիկայում Ուկրաինա կայցելի Կանադայի պաշտպանության նախարար Անիտա Անանդը։
Միաժամանակ, ընդգծել է վարչապետը, կառավարությունը կողմ է Ուկրաինայի շուրջ ստեղծված իրավիճակի դիվանագիտական լուծմանը։
«Մենք գիտենք, որ այս հակամարտության լուծումը պետք է լինի դիվանագիտական, ոչ թե ռազմական»,- ասել է նա։
Տաթև Ֆռանգյան
