08.06.2026 | 18:16
«Ռեալը» ՈՒԵՖԱ-ին խնդրել է «Բարսելոնային» զրկել տիտղոսներից
Երեխայի խնամքի արձակուրդից հետո կինը Պաշտպանի աջակցությամբ վերականգնվել է իր աշխատանքում
Հասարակություն
20.01.2022 | 10:12
Քաղաքացին դիմել է Մարդու իրավունքների պաշտպանի աջակցությանը մինչև երեք տարեկան երեխայի խնամքի արձակուրդի ավարտից հետո իր հաստիքին վերադառնալու հարցով. տեղեկացնում են ՄԻՊ աշխատակազմից:
Նա տեղեկացրել է, որ 2013 թվականից աշխատում է համայնքային ոչ առևտրային կազմակերպության կարգավիճակ ունեցող մանկապարտեզում որպես դաստիարակի օգնական: Երկրորդ, այնուհետև՝ երրորդ և չորրորդ երեխաների ծննդյան կապակցությամբ 2017 թվականի մարտ ամսից գտնվել է մինչև երեք տարեկան երեխայի խնամքի արձակուրդում: Դրանով պայմանավորված՝ իր փոխարեն մանկապարտեզում աշխատանքի է ընդունվել այլ անձ:
Աշխատանքի վերադառնալու նպատակով 2021 թվականին գրավոր դիմել է մանկապարտեզի տնօրենին, դիմումին ի պատասխան՝ մանկապարտեզից տեղեկացրել են, մանկապարտեզում դաստիարակի օգնականի ազատ հաստիք չկա:
Բարձրացված հարցով գրություններ են ուղարկվել համապատասխան մարմիններ։ Գործի քննարկման արդյունքում քաղաքացին վերադարձել է իր աշխատանքին։
