16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՌԴ ագրեսիվ գործողությունները հանգեցնում են ՆԱՏՕ-ի ամրապնդմանը ռուսական սահմաններին․ Ստոլտենբերգ
Քաղաքականություն
17.01.2022 | 19:11
Ռուսաստանը, դիմելով ագրեսիվ գործողությունների, չի նվազեցնում ՆԱՏՕ-ի ներկայությունը իր սահմաններին, հակառակը՝ հրահրում է դրանց կուտակմանը։ Wall Street Journal-ին տված հարցազրույցում այս մասին ասել է ՆԱՏՕ-ի գլխավոր քարտուղար Յենս Ստոլտենբերգը, փոխանցում է swissinfo-ն։
«Եթե ռուսական ղեկավարության նպատակն իր սահմանների մոտ ՆԱՏՕ-ի ներկայության նվազեցմանը հասնելն է, ապա արդյունքները մինչև օրս հակառակն են եղել։ Այժմ Եվրոպայում ամերիկացի զինվորականներն ավելի շատ են, քան յոթ տարի առաջ»,- ասել է Ստոլտենբերգը։
ՆԱՏՕ-ի գլխավոր քարտուղարի խոսքով՝ եթե ՌԴ-ն կրկին որոշի միջազգային հարթակում ուժ կիրառել, ապա Հյուսիսատլանտյան դաշինքը կարձագանքի։
«Ինչպիսի արձագանք կլինի և կոնկրետ ինչ ռազմական միջոցներ կներգրավվեն՝ հարց է, որը կորոշվի՝ կախված իրադարձությունների զարգացումից»,- հավելել է Ստոլտենբերգը։
Էմմա Չոբանյան
