27.11.2024 | 10:41
Ձյան շերտի հաստությունը մինչև 30 սմ․ ՀՀ որոշ շրջաններում 1 օրում թափվել է ամսական նորմային հավասար տեղում
Ռուս խաղաղապահները 14 ինքնաթիռներով հեռացել են Ղազախստանից
Քաղաքականություն
17.01.2022 | 11:30
ՀԱՊԿ միացյալ զորախմբի կազմում ծառայող ռուս խաղաղապահները Ղազախստանից վերադարձել են ՌԴ: Այս մասին հայտնում են ՌԴ ՊՆ-ից։
«Այսօր Ռուսաստանի օդատիեզերական ուժերի ռազմատրանսպորտային ավիացիայի բոլոր 14 ինքնաթիռները ՀԱՊԿ Հավաքական խաղաղապահ ուժերի ռուս խաղաղապահների հետ ժամանել են Չկալովսկի օդանավակայան»,- ասվում է հաղորդագրության մեջ։ Զինծառայողները բեռնաթափում են զենքն ու գույքը, որից հետո կմեկնեն իրենց կայազորներ։
Իլ-76 ինքնաթիռները Ուլյանովսկի շրջանի Վոստոչնի օդանավակայան կհասցնեն նաև օդադեսանտային ուժերի ստորաբաժանումների անձնակազմերին ու սարքավորումները։
Բոլոր խաղաղապահների վերադարձը մշտական տեղակայման վայրեր նախատեսվում է ավարտել մինչև հունվարի 19-ը։
Տաթև Ֆռանգյան
