19.05.2026 | 10:42
ԱԱ-2026․ Բրազիլի հավաքականի հայտացուցակն ու Նեյմարի վերադարձը
Մեծ Բրիտանիայի վարչապետի գրասենյակը ներողություն է խնդրել թագուհուց` արքայազն Ֆիլիպի հուղարկավորության նախօրեին խնջույքների համար
Քաղաքականություն
14.01.2022 | 22:32
Մեծ Բրիտանիայի վարչապետի գրասենյակը ներողություն է խնդրել Եղիսաբեթ 2-րդ թագուհուց՝ արքայազն Ֆիլիպի հուղարկավորության նախօրեին Դաունինգ Սթրիթում երկու երեկույթների համար։ Այս մասին գրում է BBC-ի ռուսական ծառայությունը։
Դրանց մասին ավելի վաղ հայտնել էր Daily Telegraph-ը: Վարչապետի գրասենյակի անձնակազմի համար միջոցառումները կազմակերպվել են 2021 թվականի ապրիլի 16-ին և շարունակվել մինչև ուշ գիշեր։ Վարչապետ Բորիս Ջոնսոնը չի մասնակցել դրանց։
Վարչապետի խոսնակն ասել է, որ ցավալի է, որ հավաքույթներն անցկացվել են համազգային սգո ժամանակ։
Նրա խոսքով՝ Բորիս Ջոնսոնը խոստովանել է, որ Դաունինգ Սթրիթը պետք է հետևի ամենաբարձր չափանիշներին և պատասխանատվություն ստանձնի սխալ գործողությունների համար։
Տաթև Ֆռանգյան
