08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
Հայտնի են Մոսկվայի հյուրանոցներից մեկում մահացած ՀՀ քաղաքացիների անունները
Հասարակություն
14.01.2022 | 12:16
Հայտնի են Մոսկվայի «Պրեզիդենտ» հյուրանոցում վերելակի վերանորոգման աշխատանքներ կատարելու ընթացքում վերելակի պոկվելու հետևանքով մահացած ՀՀ երկու քաղաքացիների անունները։
Ռուսական «Իզվեստիա»-ի հաղորդմամբ՝ վերելակը վերանորոգել են 32-ամյա Հայկ Ղազարյանը և 31-ամյա Արտակ Բեզոյանը։ Երկուսն էլ Հայաստանի քաղաքացիներ են։ Դեպքի վայր ժամանած շտապօգնության ծառայությունները բացել են վերելակի խցիկը և ներսում հայտնաբերել մահացածներից մեկին։ ՀՀ երկրորդ քաղաքացու մարմինը պատի ու վերելակի արանքում է եղել։
Հիշեցնենք, որ նախնական տվյալներով՝ դեպքը տեղի է ունեցել վերանորոգման ընթացքում անվտանգության կանոնների խախտման պատճառով։
Հայաստանի 30 և 32-ամյա քաղաքացիներն աշխատելիս են եղել վերելակային սարքավորումների վերանորոգման ոլորտում մասնագիտացած ընկերությունում։ Պատահարի պահին անձնակազմի համար նախատեսված վերելակը եղել է յոթերորդ հարկում։
Տաթև Ֆռանգյան
