17.12.2025 | 22:03
Երևանում Opel մակնիշի ավտոմեքենա է այրվել
Բայրամովը հայտարարել է, որ Ադրբեջանը միջազգային արբիտրաժ երկու հայց է ներկայացնելու ՀՀ-ի դեմ
Քաղաքականություն
27.12.2021 | 16:52
Ադրբեջանը մոտ ապագայում միջազգային արբիտրաժ ևս երկու հայց է ներկայացնելու Հայաստանի դեմ։ Այս մասին այսօր հրավիրված ասուլիսում հայտարարել է Ադրբեջանի ԱԳ նախարար Ջեյհուն Բայրամովը, փոխանցում են տեղական լրատվամիջոցները։
«2021 թվականին առաջին անգամ տեղի ունեցան միջպետական դատական գործընթացներ և դիմումներ Հայաստանի ու Ադրբեջանի միջև։ Աշխատանքներն այդ ուղղությամբ արդեն սկսվել են, և այս տարվա ընթացքում Ադրբեջանը հայցեր է ներկայացրել Հայաստանի դեմ ՄԻԵԴ և ՄԱԿ-ի միջազգային դատարան»,- ասել է Բայրամովը։
Նա նշել է, որ Ադրբեջանը շարունակելու է միջազգային դատական ատյաններում Հայաստանի դեմ հայցեր ներկայացնել։
«Կարճ ժամանակում մենք կդիմենք միջազգային արբիտրաժ՝ Հայաստանի կողմից երկու կոնվենցիայի խախտման՝ էկոլոգիային ու շրջակա միջավայրին վնաս պատճառելու և Ադրբեջանի էներգետիկ ու բնական պաշարներն անօրինական յուրացնելու համար։ Այդ ուղղությունը 2022 թվականի առաջնահերթություններից է»,-ասել է Ադրբեջանի ԱԳ նախարարը։
Նշենք, որ Արցախյան 44-օրյա պատերազմի ավարտից հետո Ադրբեջանը մշտապես հայտարարում է, որ միջազգային ատյաններում տարբեր դատական հայցեր է ներկայացնելու Հայաստանի դեմ, սակայն դեռևս միայն հակընդդեմ հայցերով պատասխանում է Երևանի դիմումներին։
Հավելենք, որ Հայաստանն Ադրբեջանի դեմ հայցեր է ներկայացրել ՄԻԵԴ և ՄԱԿ-ի Արդարադատության միջազգային դատարան։
Էմմա Չոբանյան
