10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Պետությունը 1.5 միլիարդ դրամի չափով ուսման վարձի փոխհատուցում է հատկացրել տարբեր խմբերի ուսանողների․ ՏԵՍԱՆՅՈՒԹ
Հասարակություն
27.12.2021 | 12:52
Պետությունը փոխհատուցել է շուրջ 6300 շահառուի՝ 44-օրյա պատերազմին մասնակից ուսանողների, ամուսինների, որդիների ուսման վարձը: Ընդհանուր առմամբ փոխահատուցված գումարը կազմում է 1.4 միլիարդ դրամ: Այս մասին այսօր հրավիրված մամուլի ասուլիսում հայտնեց ԿԳՄՍ նախարարի տեղակալ Կարեն Թռչունյանը՝ հավելելով, որ փոխհատուցվել են 2020-2021 ուստարվա և 2021-2022 թվականի առաջին կիսամյակի ուսման վարձերը:
Թռչունյանի խոսքով՝ պետությունը ամեն կերպ խրախուսում է երիտասարդների ուսումը, որպեսզի հետագայում պետությունը ունենա որակյալ կադրեր:
«Մենք խթանում ենք կրթությունը՝ որքան լավ սովորի ուսանող, այդքանի չափով կստանա աջակցություն: Մենք ունենք սահմանված շեմ՝ դա 60 տոկոսն է լինելու, բայց եթե ուսանողը լիարժեք լավ սովորի 90 տոկոս փոխհատուցում կստանա»,- նշեց փաոխնախարարը:
Փոխհատուցվել է նաև 2021-2022 ուս. տարվա սոցիալական տարբեր խմբերի պատկանող 5722 ուսանողի ուսման վարձ, որից 2299-ը եղել են ընտանիքի անապահովության բարձր միավորներ ունեցող, 763-ը սահմանամերձ համայնքների ուսանողների ուսման վարձը: , «2209–ը մարտական գորոծողությունների մասնակիցների, 53 բալկալավարի և կրթական ծրագրերով սովորող երկու և ավելի երեխա ունեցող ուսանողների ուսման վարձրեը, 399 ապրիլյան պատերազմին մասնակից սովորող ուսանողների ուսման վարձը»,- ասաց Թռչունյանը:
Այս առումով պետությունը ընդհանուր առմամբ հատկացրել է 1,5 միլիարդ դրամ: Փոխնախարարի խոսքով՝ փոխհատուցման ծրագրերը շարունակական բնույթ են կրում:
Մանրամասները՝ տեսանյութում:
