26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Մեծ Բրիտանիայի ԱԳՆ-ն դատապարտել է Իրանի կողմից բալիստիկ հրթիռների փորձարկումները
Քաղաքականություն
24.12.2021 | 22:55
Մեծ Բրիտանիայի ԱԳՆ-ն դատապարտել է բալիստիկ հրթիռների փորձարկումները, որոնք, ըստ գերատեսչության, Իրանն իրականացրել է ուրբաթ։ Այս մասին ասվում է Մեծ Բրիտանիայի Foreign Office-ի տարածած հաղորդագրության մեջ։
«Մենք դատապարտում ենք Իրանի կողմից բալիստիկ հրթիռների կիրառումը փորձարկումների ժամանակ, որոնք հաստատվել են, որ իրականացվել են այսօր: Այս արձակումn ակնհայտորեն խախտում է ՄԱԿ-ի Անվտանգության խորհրդի 2231 բանաձևը, որը պահանջում է Իրանից՝ չիրականացնել որևէ ակտիվություն, որը կապված է միջուկային զենքի կիրառման հետ, այդ թվում՝ բալիստիկ հրթիռների տեխնոլոգիայի կիրառմամբ արձակումները»,- ասվում է հաղորդագրության մեջ։
Ըստ բրիտանական ԱԳՆ-ի՝ ադ գործողությունները «վտանգ են ներկայացնում տարածաշրջանային և միջազգային անվտանգության համար», և կոչ է արվում Իրանին՝ անհապաղ դադարեցնել այդ գործունեությունը։
Հիշեցնենք, որ դեկտեմբերի 20-ին Պարսից ծոցի ափին Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) ուժերը սկսել են «Մեծ մարգարե-17» հնգօրյա զորավարժությունները։
Նշվում է, որ զորավարժություններին մասնակցում են Իսլամական հեղափոխության պահապանների կորպուսի ցամաքային, ռազմածովային և օդային ուժերը, ինչպես նաև «Բասիջ» աշխարհազորայինների մի մասը: Զորավարժություններն անցկացվում են Խուզեստան, Բուշեհր և Հորմոզգան նահանգներում։
Զորավարժությունների եզրափակիչ փուլում իրականացվել է 16 բալիստիկ հրթիռների ուսումնական արձակում։
Տաթև Ֆռանգյան
