14.09.2026 | 10:21
Ուկրաինական ԱԹՍ-ները հարձակվել են Կրասնոդարի երկրամասի վրա․ Սոչիում հինգ մարդ է վիրավորվել
Խաղաղություն ու համբերություն․ Մարիա Զախարովայի բարեմաղթանքը ԼՂ հակամարտության կողմերին
Քաղաքականություն
24.12.2021 | 14:56
ՌԴ ԱԳՆ պաշտոնական ներկայացուցիչ Մարիա Զախարովան ղարաբաղյան հակամարտությունն անվանել է ամենադժվար, ձգձգվող և արյունալի հակամարտություններից մեկը։ Այսօր կայացած ամենշաբաթյա ճեպազրույցի ժամանակ ռուս դիվանագետը Հայաստանին և Ադրբեջանին մաղթել է խաղաղություն և համբերություն հակամարտության կարգավորման հարցում։
«Մաղթում եմ Հայաստանին և Ադրբեջանին, ինչպես նաև բոլոր այն փորձագետներին, որոնք աշխատում են, այդ թվում՝ ռուսական կողմից, նրանց, որոնք պաշտպանում են իրավիճակը տեղում ցանկացած նոր բարդություններից, առաջին հերթին՝ խաղաղություն, համբերություն, հաջողություն այս շատ բարդ առաքելության հարցում՝ լուծելու ամենաերկարատև, բարդ և արյունալի հակամարտություններից մեկը»,- ասել է Զախարովան։
Տաթև Ֆռանգյան
