28.04.2024 | 11:17
Պահեստազորի գնդապետ Միհրան Մախսուդյանի որդուն մեղադրանք է առաջադրվել
ԱՄՆ-ը հավանություն է տվել Դոնբասում հրադադարի վերականգնմանը
Քաղաքականություն
24.12.2021 | 12:18
Վաշինգտոնը ողջունում է ԵԱՀԿ հայտարարությունը, որ Եռակողմ շփման խմբի անդամները համաձայնել են վերադառնալ Դոնբասում հրադադարին։ Այս մասին հայտարարել է ԱՄՆ Պետքարտուղարության մամուլի ծառայության ղեկավար Նեդ Փրայսը։
«Միացյալ Նահանգները ողջունում է ԵԱՀԿ-ի հայտարարությունը՝ Ուկրաինայի կառավարական ուժերի և Արևելյան Ուկրաինայում Ռուսաստանի կողմից հովանավորվող ուժերի կողմից 2020 թվականի հուլիսի 22-ի հրադադարի հսկողությունը պահպանելու լիակատար վճռականության մասին»,- ասվում է հայտարարության մեջ։
Փրայսը նշել է, որ Միացյալ Նահանգները պատրաստ է աջակցել ԵԱՀԿ-ին և Նորմանդական գործընթացին Մինսկի համաձայնագրերի իրականացման համար՝ ի հաստատումն իր դիրքորոշման, որ հակամարտությունն Ուկրաինայի արևելքում կարող է լուծվել միայն ապաէսկալացիայի մթնոլորտում։
Այս առնչությամբ Պետքարտուղարությունից հայտարարել են, որ ԱՄՆ-ը շարունակում է կոչ անել Ռուսաստանին դուրս բերել ուժերը, որոնք կենտրոնացված են Ուկրաինայի հետ սահմանների երկայնքով։
Տաթև Ֆռանգյան
