03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Գիտական աստիճանից անձը կզրկվի, եթե բացահայտվի, որ գրագողություն է արել. ԲՈԿ նախագահ․ ՏԵՍԱՆՅՈՒԹ
Հասարակություն
17.12.2021 | 14:11
Բարձրագույն որակավորման կոմիտեի նախագահ Կարեն Քեռյանն այսօր հրավիրված ասուլիսում անդրադառնալով գիտական աշխատությունների որակին, գրագողություններին, պատվերով գրվող աշխատություններին, նշեց, որ այս ոլորտում իրավական դաշտի փոփոխության անհրաժեշտություն կա:
«Անհրաժեշտ է աստիճանազրկման կարգ մշակել, որը հնարավորություն կտա նույնիսկ պաշտպանությունից հետո, տարիների ընթացքում, դիցուք՝ 10 տարի անց, գրագողություն հայտնաբերելու դեպքում աստիճանազրկել տվյալ անձին»,- նշեց Քեռյանը՝ հավելելով, որ ՌԴ-ում այս կարգն արդեն մի քանի տարի գործում է և Հայաստանում ևս պետք է աշխատանքներ տանել այն հնարավորինս շուտ ընդունելու համար:
Քեռյանը կարևորեց նաև գրագողությունը բացահայտող ծրագրի արդիականացումն ու այն ավելի լայն շերտերի, օրինակ՝ գիտական հոդվածներ հրապարակող պարբերականների համար հասանելի դարձնելը:
Նրա խոսքով՝ այս պարագայում գրագողությունը հնարավոր կլինի բացահայտել ոչ թե այն ժամանակ, երբ պաշտպանությունն արդեն կատարվել է, այլ մինչ այդ՝ կանխելով դրա հնարավորությունը:
Մանրամասները՝ տեսանյութում:
