11.10.2026 | 14:16
Թրամփն առաջարկել է Ատլանտյան օվկիանոսը վերանվանել իր պատվին
Հայ համայնքը Բրյուսելում ակցիա է իրականացրել՝ եվրոպական կառույցներից պահանջելով Ադրբեջանին ստիպել ազատ արձակել հայ ռազմագերիներին․ ԼՈՒՍԱՆԿԱՐՆԵՐ
Հասարակություն
16.12.2021 | 12:31
Երեկ Բրյուսելում Արևելյան գործընկերության գագաթնաժողովի ժամանակ հայ համայնքը բողոքի ակցիա է կազմակերպել՝ պահանջելով եվրոպական կառույցներից և առաջին հերթին՝ Եվրոպական Խորհրդից ու Եվրոպական Հանձնաժողովից, որպեսզի Ադրբեջանի նկատմամբ պատժամիջոցներ կիրառեն, ու Ադրբեջանն անմիջապես ազատ արձակի գերիներին․ տեղեկանում ենք Free Armenian POWs Global Network-ի ֆեյսբուքյան էջից։
Եվրախորհրդարանը 2021 թվականի մայիսի 20-ին բանաձև է ընդունել, որով կոչ է արել անհապաղ և անվերապահ ազատ արձակել բոլոր հայ ռազմագերիներին և խաղաղ բնակիչներին, որոնք գերեվարվել են հակամարտության ընթացքում կամ դրանից հետո։
Հայ համայնքը, սակայն, նշում է, որ այս բանաձևը չի հարգվում Ադրբեջանի իշխանությունների կողմից, քանի որ հայ խաղաղ բնակիչներն ու զինվորները շարունակում են առևանգվել, գերվել, խոշտանգվել և սպանվել ադրբեջանական զինուժի կողմից Հայաստանի տարածքում և Արցախում։
«Ուստի մենք պահանջում ենք, որ Եվրամիությունը վերջնականապես պատժի ենթարկի Ադրբեջանին, որպեսզի նա ստիպված լինի հարգել ՄԻԵԴ-ի որոշումները և հարգել այն հիմնարար արժեքները, որոնք Եվրոպան պնդում է ու պաշտպանում»,- ասել են ակցիային մասնակից հայ համայնքի ներկայացուցիչները։
