19.12.2025 | 10:36
Արտարժույթների փոխարժեքները՝ դեկտեմբերի 19-ի դրությամբ
Էրդողանը հայտարարել է, որ ցանկանում է մասնակցել ՌԴ-ի և Ուկրաինայի միջև հակամարտության կարգավորմանը
Քաղաքականություն
29.11.2021 | 17:15
Թուրքիան հուսով է մասնակցել Ռուսաստանի և Ուկրաինայի միջև ճգնաժամի լուծմանը և մտադիր է շարունակել քննարկել այս թեման Մոսկվայի ու Կիևի հետ։ ՌԻԱ Նովոստիի փոխանցմամբ՝ այս մասին Թուրքմենստանից վերադառնալիս ինքնաթիռում լրագրողներին հայտարարել է Թուրքիայի նախագահ Թայիփ Էրդողանը։
«Մենք կողմ ենք տարածաշրջանում խաղաղության հաստատմանը, հատկապես, երբ խոսքը վերաբերում է առաջին հերթին Ղրիմի թուրքերին: Մենք բազմիցս այդ հարցերը քննարկել ենք բարեկամ Ռուսաստանի, և հատկապես՝ պարոն Պուտինի հետ: Մենք ցանկանում ենք, որ այն չլինի տարածք, որտեղ գերիշխում է պատերազմը: Թող ապագայում այս տարածքում տիրի խաղաղությունը։ Մենք ցանկանում ենք դրական վերաբերմունք ձևավորել այս հարցի նկատմամբ»,- ասել է Էրդողանը:
Նա նաև պնդել է, որ Թուրքիան «միջնորդ կհանդիսանա այս հարցում և կքննարկի խնդիրը» Մոսկվայի և Կիևի հետ։
«Մենք կզարգացնենք այդ բանակցությունները թե՛ Ուկրաինայի, թե՛ պարոն Պուտինի հետ։ Մենք ցանկանում ենք մասնակցել այդ խնդրի լուծմանը»,- հավելել է Թուրքիայի նախագահը։
Միևնույն ժամանակ, ուրբաթ Ուկրաինայի նախագահ Վլադիմիր Զելենսկին հայտարարել էր, որ Կիևը Թուրքիայի ղեկավարի միջոցով Մոսկվային է փոխանցել Ուկրաինայի 450 քաղաքացիների անունները, որոնք, իբր, պահվում են Դոնբասում և Ռուսաստանում, և Մոսկվայից պատասխան է ակնկալում։
Տաթև Ֆռանգյան
