26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Իրանը Վիեննայում ինտենսիվ խորհրդակցություններ է անցկացնում միջուկային գործարքի համատեղ հանձնաժողովի նիստից առաջ
Քաղաքականություն
29.11.2021 | 15:15
Իրանական կողմի ավագ բանակցող Ալի Բաղերին, որը միջուկային գործարքի համատեղ հանձնաժողովի նիստի նոր փուլից առաջ մեկնել է Վիեննա, այդ համաձայնագրի մասնակիցների հետ երկկողմ և բազմակողմ ինտենսիվ դիվանագիտական խորհրդակցություններ է անցկացրել, գրում է IRNA-ն։
Նշվում է, որ Բաղերին Վիեննա է մեկնել բանկային, էներգետիկ և այլ ոլորտներում իրանական հայտնի փորձագետների պատվիրակությամբ և արդեն մի քանի փորձագիտական հանդիպումներ է անցկացրել։ Նա հանդիպել է Ռուսաստանից և Չինաստանից բանակցողների, ինչպես նաև Եվրոպական արտաքին գործողությունների ծառայության գլխավոր քարտուղարի տեղակալ Էնրիկե Մորայի հետ, որը նախագահում է համատեղ հանձնաժողովի նիստում։
Այսօր հնգամսյա դադարից հետո Coburg հյուրանոցում տեղի է ունենալու միջուկային գործարքի համատեղ հանձնաժողովի նիստի նոր փուլը՝ «Մեծ հնգյակի», Իրանի մի խումբ բարձրաստիճան դիվանագետների ու ԵՄ ներկայացուցչի մասնակցությամբ։
Էմմա Չոբանյան
