20.05.2026 | 23:29
Հայաստանի մի շարք հասցեներում էլեկտրաէներգիայի անջատումներ կլինեն
Կորոնավիրուսով հիվանդացածները կարող են վարակվել «օմիկրոն» շտամով․ ԱՀԿ
Քաղաքականություն
29.11.2021 | 12:40
Առողջապահության համաշխարհային կազմակերպությունը (ԱՀԿ) հայտնել է, որ այն մարդիկ, որոնք նախկինում վարակվել են կորոնավիրուսով, կարող են հայտնվել նոր «օմիկրոն» շտամով վարակվելու վտանգի տակ: Այս մասին են վկայում նախնական տվյալները, հայտնում է ԱՀԿ կայքը։
Կազմակերպությունը խոստացել է ավելի մանրամասն տեղեկություն տրամադրել «առաջիկա օրերին ու շաբաթներին»։
«ԱՀԿ-ն աշխատում է տեխնիկական գործընկերների հետ՝ հասկանալու այս շտամի պոտենցիալ ազդեցությունը մեր հակաքայլերի, այդ թվում՝ պատվաստանյութերի վրա: Պատվաստանյութերը շարունակում են կարևոր լինել հիվանդության ծանր ընթացքի և մահացության նվազեցման համար, ներառյալ՝ գերիշխող «դելտա» շտամի դեմ: Ժամանակակից պատվաստանյութերն արդյունավետ են մնում հիվանդությունների ծանր ընթացքի ու մահացության դեմ»,- ընդգծվում է հաղորդագրության մեջ։
Հիշեցնենք, որ նոյեմբերի 26-ին Առողջապահության համաշխարհային կազմակերպությունը (ԱՀԿ) ճանաչել է Հարավային Աֆրիկայում հայտնաբերված «օմիկրոն» կորոնավիրուսի նոր շտամը։
Այն արդեն հայտնաբերվել է Հոնկոնգում, Իսրայելում, Ավստրալիայում ու եվրոպական մի շարք երկրներում։
Տաթև Ֆռանգյան
