14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
ԵՐԵՎԱՆԻ ԺԱՄԱՆԱԿՈՎ․ Ինչի՞ համար այս իշխանությանը պողպատե մանդատ տվեցին, Ալեն Սիմոնյանի BMW-ի՞. Արմեն Մովսիսյան․ ՏԵՍԱՆՅՈՒԹ
Քաղաքականություն
27.11.2021 | 17:02
«Որքան Երևանն էր հաղորդակից պատերազմին և ճակատում կատարվողին, նույnքան էլ սփյուռքը: Երևանցիների մեծ մասին թվում էր, թե պատերազմը Փարիզի արվարձաններում էր»,- Factor TV-ի հետ զրույցում նման տեսակետ է հայտնում երգիչ, երգահան Արմեն Մովսիսյանը, որը տևական ժամանակ է՝ բնակվում է Միացյալ Նահանգներում և այժմ գտնվում է հայրենիքում:
Նրա խոսքով` հիմա ուժ հավաքելու, տնտեսապես զարգանալու և պետական կառույցները մարդակենտրոն դարձնելու ժամանակն է:
«Պատերազմը նախորդ և ներկա իշխանությունների թերացումների արտացոլանքն էր: Համապատասխան եզրակացություններ չարեցինք մեզ հետ կատարվածից, իրականությունից հեռու ամբոխավարական կոչերով ծովից ծով Հայաստան ենք ուզում… Մեր անկախության 30 տարվա սխալները ապտակի պես վերադարձան պատերազմի ժամանակ: Այդ 30 տարին տրված էր մեզ ապառիկ, որպեսզի երկիր կառուցեինք: Չկարողացանք»,- ասում է երգահանը:
Նա խոստովանում է, որ խորհրդարանական վերջին ընտրություններից այլ ակնկալիք ուներ. «Կարծում էի՝ այս անգամ ավելի բազմերանգ խորհրդարան կունենանք, որտեղ ոչ մի ուժ բացարձակ մեծամասնություն չէր կազմի: Ինչո՞ւ այս իշխանությանը պողպատե մանդատ տվեցին, Ալեն Սիմոնյանի BMW-ի համա՞ր»:
Ամեն դեպքում, ըստ նրա, մարդիկ մանդատ տալով ներկայիս իշխանությանը՝ վախեցան նախկինների վերադարձից․ «Ժողովուրդն այդպես որոշեց, դրա համար ժողովրդի մի մասը չի կարող մյուսին ժեխ անվանել»:
Արմեն Մովսիսյանը շեշտում է՝ ժողովրդի շրջանում պետք է վերջ դրվի զազրախոսությանը։
«Բոլշևիկների և սպիտակ գվարդիականների պատերազմ չպետք է անենք. այս երկիրը սարքել է պետք: Իրար «ուտելով» թերացումները չենք վերացնի, ճիշտ եզրակացություններ չենք անի»,- ամփոփում է նա:
Մանրամասները՝ տեսանյութում:
Աննա Բաբաջանյան
