27.11.2024 | 10:33
Արմավիրի համայնքային ոստիկանները թմրանյութ պահելու և օգտագործելու դեպքեր են բացահայտել
Ռուսաստանի «Լիստվյաժնայա» հանքահորում պայթյունից հետո ողջ մնացածի են գտել
Քաղաքականություն
26.11.2021 | 13:17
Ռուսաստանի «Լիստվյաժնայա» հանքահորում պայթյունից հետո ողջ մնացած փրկարարի են գտել։ Այս մասին, ՌԻԱ Նովոստիի հաղորդմամբ, հայտնել է ՌԴ ԱԻՆ ղեկավարի ժամանակավոր պաշտոնակատար Ալեքսանդր Չուպրիյանը։
Նա հավելել է, որ այժմ այնտեղ աշխատում է փրկարարների 3 խումբ։
«Նախնական տեղեկություններ կան, որ հենց նրանք են հայտնաբերել ևս մեկ ողջ մնացածի»,- նշել է նա։
Կեմերովի մարզի նահանգապետ Սերգեյ Ցիվիլևի խոսքով՝ նրան այժմ հիվանդանոց են տեղափոխում։
«Լիստվյաժնայա» հանքահորրում ողջ մարդ է հայտնաբերվել, նրան տեղափոխում են հիվանդանոց։ Մանրամասները ճշտվում են»,- գրել է նա Telegram-ի ալիքում։
Հիշեցնենք՝ նոյեմբերի 25-ի առավոտյան Կեմերովոյի մարզի Բելովո քաղաքի «Լիստվյաժնայա» հանքահորում հրդեհ է բռնկվել, 285 մարդ գտնվել է հանքահորում։ Նրանց մեծ մասին հաջողվել է դուրս գալ։ Միջադեպի հետևանքով կա 52 զոհ, ևս 49 մարդ գտնվում է հիվանդանոցներում։
Արտակարգ իրավիճակի պատճառը, ըստ նախնականի, մեթանի պայթյունն է եղել։ Մարզում եռօրյա սուգ է հայտարարվել։
Տաթև Ֆռանգյան
