19.12.2025 | 15:02
Մեկնարկել է Աղազարյանի գործով դատավարությունը
Ղրղզստանում իշխանությունը բռնությամբ զավթելու փորձ է կանխվել
Քաղաքականություն
26.11.2021 | 12:41
Ղրղզստանում իշխանությունը բռնությամբ զավթելու փորձ է կանխվել։ Այս մասին հայտնում է ՏԱՍՍ-ը՝ հղում անելով երկրի Ազգային անվտանգության պետական կոմիտեի (ԱԱՊԾ) մամուլի ծառայությանը։
«ԱԱՊԾ-ն ՆԳՆ -իհետ համատեղ կանխել է հանցավոր խմբի գործունեություն, որը պլանավորել էր բռնի ուժով երկրում իշխանություն զավթել»,- նշված է գերատեսչության հաղորդագրության մեջ։
Դրա համաձայն՝ Ազգային անվտանգության պետական կոմիտեի և ՆԳՆ-ի կողմից «առաջիկա խորհրդարանական ընտրությունների անվտանգությունն ապահովելու աշխատանքների ընթացքում տեղեկություններ են ստացվել մի խումբ անձանց մասին, որոնք ծրագրում էին ընտրություններից անմիջապես հետո երկրում ստեղծված հասարակական-քաղաքական իրավիճակն ապակայունացնելու նպատակով սադրանքներ կազմակերպել, որին պետք է հաջորդեր իշխանության բռնի զավթումը»: Այս փաստով արդեն իսկ սկսվել է նախաքննություն՝ երկրի քրեական օրենսգրքի «Իշխանության բռնի զավթում նախապատրաստելու» հոդվածով։
Հավելենք, որ Ղրղզստանի խորհրդարանի ընտրությունները նշանակված են նոյեմբերի 28-ին։ Դրանք կանցկացվեն խառը համակարգով․ 54 պատգամավոր կընտրվի կուսակցական ցուցակներով, 36-ը՝ միամանդատ ընտրատարածքներում։
Հիշեցնենք՝ հոկտեմբերին հաղորդվել էր, որ Ղրղզստանի Գերագույն դատարանը վերականգնել է երկրի նախկին նախագահ Ալմազբեկ Աթամբաևի դատավճիռը՝ 2013 թվականին քրեական հեղինակություն Ազիզ Բատուկաևի անօրինական ազատ արձակելու գործով։
Տաթև Ֆռանգյան
