18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Լեհ սահմանապահները հայտնել են բելառուսա-լեհական սահմանն անօրինական հատելու 375 փորձի մասին
Քաղաքականություն
25.11.2021 | 18:31
Նոյեմբերի 25-ին լեհ սահմանապահները կասեցրել են բելառուսա-լեհական սահմանն անօրինական հատելու և Եվրամիության տարածք մուտք գործելու՝ միգրանտների առնվազն 375 փորձ։ Այս մասին, DW-ի ռուսական ծառայության փոխանցմամբ, հայտնել է Լեհաստանի սահմանային ծառայության ներկայացուցիչը։
Աղբյուրի փոխանցմամբ՝ Չերեմշա գյուղի մերձակայքում 232 հոգանոց խումբը վնասել է սահմանային արգելապատնեշները և մի քանի մետր ներթափանցել Լեհաստանի տարածք, սակայն դուրս է մղվել Լեհաստանից։ Հինգ միգրանտի ստիպված են եղել հոսպիտալացնել ֆիզիկական հյուծվածության պատճառով։
Լեհաստանի ոստիկանությունն իր հերթին հայտնել է երեք՝ Ուկրաինայի 2 և սիրիական ծագումով Շվեդիայի 1 քաղաքացու ձերբակալության մասին, ենթադրաբար՝ մաքսանենգների, որոնք ներգրավված են դեպի ԵՄ ներգաղթյալների անօրինական տեղափոխմանը։ Նրանք բռնվել են 14 հոգանոց միգրանտների խմբին սահման տեղափոխելիս։ Լրատվամիջոցը նշում է, որ անկախ աղբյուրներից այս տեղեկությունը հաստատելն անհնար է, քանի որ Լեհաստանը թույլ չի տալիս լրատվամիջոցների ներկայացուցիչներին մուտք գործել Բելառուսի հետ սահմանակից շրջաններ։
Բելառուսի իշխանություններն էլ հայտնել են, որ մոտ 2000 միգրանտներ դեռևս գտնվում են բելառուսական սահմանի ճգնաժամային ապաստարանում՝ սպասելով Գերմանիա տեղափոխվելուն: Նրանցից շատերը հիպոթերմիայի պատճառով բժշկական օգնության կարիք ունեն, հաղորդում է ԲԵԼՏԱ գործակալությունը։
Տաթև Ֆռանգյան
