04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Հայաստանը պաշտոնապես դիմե՞լ է ՌԴ-ին եւ ՀԱՊԿ-ին օգնության համար․ Զախարովայի պատասխանը․ ՏԵՍԱՆՅՈՒԹ
Քաղաքականություն
25.11.2021 | 16:59
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ խուսափել է պատասխանել հարցին՝ արդյո՞ք Ադրբեջանի կողմից ընդդեմ Հայաստանի ագրեսիայի ժամանակ Երևանը օգնության համար պաշտոնապես դիմել է ՀԱՊԿ-ին կամ երկկողմ պայմանագրերի հիման վրա՝ Ռուսաստանին։ Զախարովան դիվանագիտորեն խուսանավել է հարցին ուղիղ պատասխանելուց՝ նշելով, որ իր նախորդ ճեպազրույցների ժամանակ անդրադարձել է այս հարցին, և որ ՀԱՊԿ-ը ևս մեկնաբանել է ստեղծված իրավիճակը։
«Միայն կարող եմ ասել, որ ՌԴ արդյունավետ գործողությունների հետևանքով սահմանին լարվածությունը հանվել է։ Մենք, իհարկե, շարունակում ենք ուշադիր հետևել սահմանին և մեր զինվորականների ու սահմանապահների գծում տիրող իրավիճակին։ Շփումներ են իրականացվում հայ և ադրբեջանցի գործընկերների հետ»,- հայտարարել է Զախարովան։
Լրագրողի հստակեցնող հարցին՝ դիմում եղե՞լ է թե՞ ոչ, Զախարովան ծիծաղելով պատասխանել է․ «Իսկ ես արդեն ամեն ինչ ասացի»։
Մանրամասները՝ տեսանյութում։
Տաթև Ֆռանգյան
