03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Գիտնականները մտահոգված են COVID-ի նոր՝ բազմաթիվ մուտացիաներով շտամի պատճառով․ The Guardian
Քաղաքականություն
25.11.2021 | 14:18
Գիտնականները մտահոգություն են հայտնել, որ COVID-ի նոր տարբերակը, որը կրում է «չափազանց մեծ թվով» մուտացիաներ, կարող է առաջացնել հիվանդության հետագա ալիքներ՝ խուսափելով օրգանիզմի պաշտպանությունից: Երեք երկրներում միայն 10 դեպք է հաստատվել գենոմային հաջորդականությամբ, սակայն այս տարբերակը լուրջ անհանգստություն է առաջացրել որոշ հետազոտողների շրջանում, քանի որ մի շարք մուտացիաներ կարող են օգնել վիրուսին՝ խուսափել մարդու օրգանիզմի իմունիտետից, գրում է The Guardian-ը:
B.1.1.529 տարբերակն ունի 32 մուտացիաներ «սփայկ սպիտակուցի մեջ», վիրուսի այն մասում, որն օգտագործում է պատվաստանյութերի մեծ մասը՝ COVID-ի դեմ իմունային համակարգը խթանելու համար: «Սփայկային սպիտակուցի» մուտացիաները կարող են ազդել բջիջները վարակելու և տարածելու վիրուսի ունակության վրա, բայց նաև դժվարացնում են իմունային բջիջների գրոհը պաթոգենի վրա:
Տարբերակն առաջին անգամ հայտնաբերվել է Բոտսվանայում, որտեղ այժմ երեք դեպք է հայտնաբերվել: Եվս վեցը հաստատվել է Հարավային Աֆրիկայում, մեկը՝ Հոնկոնգում՝ Հարավային Աֆրիկայից վերադարձած ճանապարհորդի մոտ:
Լոնդոնի Կայսերական քոլեջի վիրուսաբան, դոկտոր Թոմ Փիքոկը նոր շտամի մանրամասներ է հրապարակել գենոմի փոխանակման կայքէջում՝ նշելով, որ «մուտացիաների անհավանական մեծ քանակությունը ցույց է տալիս, որ դա կարող է իրական մտահոգություն առաջացնել»:
Տաթև Ֆռանգյան
