Քաղաքականություն
23.11.2021 | 17:11
Կազանում դեռահասի են ձերբակալել՝ ուսումնական հաստատության վրա զինված հարձակում նախապատրաստելու համար։ Այս մասին հայտնում է ՌԴ ԱԴԾ-ն, գրում է ՌԻԱ Նովոստին։
«ՌԴ Անվտանգության դաշնային ծառայությունը Կազանում կանխել է ուսումնական հաստատության վրա զինված հարձակում։ Ձեռնարկված միջոցառումների արդյունքում հանցագործության նախապատրաստմանը մասնակցած ՌԴ անչափահաս քաղաքացին բերման է ենթարկվել»,- ասվում է հաղորդագրության մեջ։
Քրեական գործ է հարուցվել՝ երկու և ավելի անձանց սպանություն նախապատրաստելու հոդվածով։
Նշվում է, որ դեռահասի բնակության հասցեից առգրավվել է օդամղիչ հրացան, ինչպես նաև կապի միջոցներ, որոնք «պարունակում են հարցումներ այն մասին, թե ինչպես այս տեսակի զենքը մարտականի վերածել», և նյութեր ուսումնական հաստատությունների վրա զինված հարձակումների մասին։
Տաթև Ֆռանգյան
