04.05.2024 | 10:23
Վարդենիսում ճանապարհ է հիմնանորոգվում․ ավարտը նախատեսված է ամռանը
Սերժ Սարգսյանը կաշառքի գործով որպես մեղադրյալ հարցաքննության է կանչվել
Հասարակություն
22.11.2021 | 12:36
ՀՀ երրորդ նախագահ Սերժ Սարգսյանը հնարավոր է նոր քրեական գործով անցնի։ Նրա պաշտպան Ամրամ Մակինյանը ֆեյսբուքյան գրառմամբ տեղեկացրել է, որ Սարգսյանը հարցաքննության է կանչվել.
«Քիչ առաջ ծանուցում եմ ստացել Հակակոռուպցիոն կոմիտեի վարչության պետ Հր․ Մուշեղյանից այն մասին, որ Սերժ Սարգսյանը հարցաքննության է կանչվում որպես մեղադրյալ։ Եվ զավեշտն այն է, որ երեք ու կես տարի Սիլվայի ցուցմունքը վերցնել-դնելով այսօր «որոշել են», որ նա նաև Սերժ Սարգսյանին է կաշառք տվել և դա այն դեպքում, երբ նույն գործով դեռևս երկու տարի առաջ Սերժ Սարգսյանը հարցաքննվել է որպես վկա և մինչ օրս որևէ նոր հանգամանք իրավական առումով չի փոխվել և չի ավելացել»,- գրառման մեջ նշել է նա։
Նշենք, որ ըստ երևույթին՝ խոսքը գործարար Սիլվա Համբարձումյանի մասին է, ում տված ցուցմունքների հիման վրա հարուցված քրեական գործերով այս պահին մի շարք պաշտոնյաներ են անցնում։
