16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պուտինը չի բացառել կորոնավիրուսի նոր՝ ավելի վտանգավոր շտամերի ի հայտ գալը
Քաղաքականություն
12.11.2021 | 22:39
ՌԴ նախագահ Վլադիմիր Պուտինը չի բացառել կորոնավիրուսի նոր՝ ավելի վտանգավոր շտամների ի հայտ գալը։ Այս մասին ՌԴ ղեկավարը հայտարարել է Ասիա-խաղաղօվկիանոսյան տնտեսական համագործակցության (APEC) գագաթնաժողովի ժամանակ, որին մասնակցել է տեսակոնֆերանսի միջոցով, գրում է Իզվեստիան։
«Ասիա-խաղաղօվկիանոսյան տարածաշրջանում և ամբողջ աշխարհում կան բազմաթիվ սոցիալ-տնտեսական և այլ խնդիրներ, որոնց մասին դուք, հարգելի՛ գործընկերներ, արդեն խոսել եք, կորոնավիրուսը ևս հեռու է հաղթահարված լինելուց։ Չի բացառվում այս վարակի նոր և նույնիսկ ավելի վտանգավոր շտամների ի հայտ գալը»,- ասել է Պուտինը։
Նա հավելել է, որ անհրաժեշտ է բոլոր ջանքերը գործադրել՝ երկրների առողջապահական համակարգերն ամրապնդելու համար։
Ավելի վաղ Գամալեյա համաճարակաբանության և մանրէաբանության գիտահետազոտական կենտրոնի տնօրեն Ալեքսանդր Գինցբուրգը հայտարարել էր, որ կորոնավիրուսի «դելտա» շտամին հաղթելու համար անհրաժեշտ է արյան մեջ հակամարմինների բարձր մակարդակ պահպանել։
Տաթև Ֆռանգյան
