30.07.2026 | 10:41
Անօրինական միգրացիայի կազմակերպման համար մեղադրվող անձը հանձնվել է Մոլդովայի իրավասու մարմիններին. Գլխավոր դատախազություն
Արդյո՞ք նոյեմբերի 9-ին նախատեսված է եռակողմ հանդիպում․ Նիկոլ Փաշինյանը հարցազրույց է տվել Հանրային հեռուստաընկերությանը
Տնտեսություն
07.11.2021 | 18:23
Վարչապետ Նիկոլ Փաշինյանը հարցազրույց է տվել Հանրային հեռուստաընկերությանը։ Հարցազրույցը կհեռարձակվի այսօր երեկոյան՝ ժամը 21։45-ին․ Հանրային հեռուստաընկերությունը հրապարակել է հարցազրույցի մասին ծանուցող հակիրճ հատված, որից պարզ է դառնում, որ Փաշինյանը խոսել է եռակողմ համաձայնության ստորագրումից 1 տարի անց հնարավոր զարգացումներից, սահմանային և անվտանգային հարցերից։
Վարչապետն, ըստ ամենայնի, հերքում է նոյեմբերի 9-ին հնարավոր եռակողմ հանդիպման մասին լուրերը։ Ուշագրավ է, որ այսօր ավելի վաղ ՌԴ նախագահի մամուլի խոսնակ Դմիտրի Պեսկովը «Ինտերֆաքս» գործակալությանը հայտնել էր, որ հաջորդ շաբաթ տեսակոնֆերանսի ձևաչափով կկայանա Պուտին-Փաշինյան-Ալիև եռակողմ հանդիպում։ Արդյո՞ք վարչապետի հարցազրույցը տեսագրվել է նախքան Պեսկովի կողմից սպասվող տեսակոնֆերանսի մասին հայտարարություն անելը․ փորձեցինք պարզել վարչապետի խոսնակ Մանե Գևորգյանից, սակայն նրան ուղղված մեր հեռախոսազանգերն անպատասխան մնացին։
Factor.am-ն ավելի ուշ կանդրադառնա վարչապետի հարցազրույցին և կներկայացնի առավել ուշագրավ հատվածները։
Արփի Հակոբյան
