ԱՄՆ հետախուզական ծառայությունները գլոբալ տաքացումը ճանաչել են որպես ազգային անվտանգության սպառնալիք

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

ԱՄՆ հետախուզական ծառայություններն առաջին անգամ հատուկ զեկույց են պատրաստել կլիմայի փոփոխության հետևանքների մասին, որում գլոբալ տաքացումը ճանաչվել է որպես ազգային անվտանգության սպառնալիք, գրում է DW-ի ռուսական ծառայությունը։

Փաստաթղթի գաղտնազերծված տարբերակը հրապարակվել է Ազգային հետախուզության տնօրենի գրասենյակի (ODNI) կողմից։

«Մեր գնահատմամբ՝ կլիմայի փոփոխությունն ավելի ու ավելի կխորացնի ԱՄՆ-ի ազգային անվտանգության շահերին սպառնացող վտանգները»,- ասված է գերատեսչության ղեկավար Ավրիլ Հեյնսի ներկայացրած զեկույցում։

Փաստաթղթում առանձնացված են 11 երկրներ, որոնք, ըստ ԱՄՆ հետախուզական ծառայությունների, ամենախոցելին են կլիմայի փոփոխության հետևանքով առաջացած բնապահպանական ու սոցիալական ճգնաժամերին նախապատրաստվելու և դրանց արձագանքելու ունակությամբ։ Դրանցից հատկապես մտահոգիչ է Աֆղանստանը՝ շոգի, երաշտի, ջրի բացակայության և անարդյունավետ կառավարման պատճառով։

Զեկույցում նշվում են կլիմայի փոփոխության դեմ պայքարի մոտեցումների տարբերությունները, ասվում է, որ երկրները, որոնք ապավինում են հանածո վառելիքի արտահանմանը՝ իրենց տնտեսություններին աջակցելու համար, կշարունակեն դիմակայել զրոյական ածխածնի աշխարհի արագ անցմանը, քանի որ վախենում են դրա հետ կապված տնտեսական, քաղաքական և աշխարհաքաղաքական ծախսերից:

Որպես լարվածության գործոն՝ նշվում է, որ պետությունները «պայքարելու են ռեսուրսների և գերիշխող նոր տեխնոլոգիաների նկատմամբ վերահսկողության համար, որոնք անհրաժեշտ են մաքուր էներգիային անցնելու համար»։ Այս կապակցությամբ զեկույցում, մասնավորապես, առանձնացվում է Չինաստանը։

Բացի այդ, ուշադրություն է դարձվում Արկտիկայում ռազմավարական մրցակցության ուժեղացմանը։ Արկտիկական և ոչ արկտիկական երկրները «գրեթե անկասկած կբարձրացնեն իրենց մրցունակությունը, քանի որ տարածաշրջանն ավելի հասանելի է դառնում ջերմաստիճանի բարձրացման և սառցաշերտերի կրճատման պատճառով»:

Զեկույցում նշվում է, որ կլիմայի վերաբերյալ Փարիզի համաձայնագրով սահմանված նպատակները՝ հասնել 1,5 աստիճանից ոչ ավելի ջերմաստիճանի բարձրացման երկարաժամկետ սահմանափակման, ամենայն հավանականությամբ, չեն իրագործվի։

Հավելենք, որ սա առաջին դեպքն է, երբ ԱՄՆ հատուկ ծառայությունները կլիմայի փոփոխության սեփական գնահատականն են ներկայացրել։

Տաթև Ֆռանգյան