19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
Թուրքիայի ԱԳՆ-ն հայտարարել է, որ երկրի դատական համակարգի նկատմամբ ճնշումներն անթույլատրելի են
Քաղաքականություն
19.10.2021 | 23:09
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Թուրքիայի ԱԳՆ-ն 10 երկրների դեսպաններին, որոնք կանչվել էին արտաքին քաղաքական գերատեսչություն, տեղեկացրել է, որ Օսման Քավալայի վերաբերյալ նրանց հայտարարություններն անընդունելի են։ Այս մասին հաղորդում է «Անադոլու» գործակալությունը։
ԱԳՆ հայտարարության մեջ ասվում է, որ ԱՄՆ-ի, Գերմանիայի, Դանիայի, Ֆրանսիայի, Ֆինլանդիայի, Նիդերլանդների, Շվեդիայի, Կանադայի, Նորվեգիայի և Նոր Զելանդիայի դեսպանները հրավիրվել են ԱԳՆ։
«Դեսպաններին տեղեկացվել է Օսման Քավալայի դեմ ընթացող դատավարության վերաբերյալ սոցիալական ցանցերում արձագանքի և հայտարարությունների անթույլատրելիությունը, որոնք փորձում են քաղաքականացնել դատավարությունները և ճնշում գործադրել թուրքական դատական համակարգի վրա»,- ասվում է ԱԳՆ հայտարարության մեջ։
Նշվում է նաև, որ «նման անպատասխանատու հայտարարությունները չեն ազդելու երկրի դատական համակարգի վրա»։
Թուրքիայի ԱԳՆ-ն նաև երկակի ստանդարտների քաղաքականություն է անվանել Քավալայի գործն անընդհատ օրակարգում պահելը։
Հավելենք, որ նշված 10 երկրները նախօրեին հայտարարություն էին տարածել՝ կոչ անելով Թուրքիային կատարել ՄԻԵԴ վճիռն ու ազատ արձակել ակտիվիստ Օսման Քավալային։
Էմմա Չոբանյան
