Պուտինն ու վերածնվող Ասադը փորձարկում են Սիրիայի վրա հարձակվելու՝ Էրդողանի պլանները․ Թուրքիայի նախկին ԱԳ նախարար

Լուրեր

17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
Բոլորը

Թուրքիայի նախագահ Ռեջեփ Թայիփ Էրդողանը քննարկում է Սիրիայի հյուսիս-արևմուտքում քրդական միավորումների դեմ ռազմական գործողություններ սկսելու հարցը, սակայն այս քայլը Ռուսաստանի հակազդեցությանն է բախվում, որը վերահսկում է տարածաշրջանի օդային տարածքը և Սիրիայի նախագահ Բաշար Ասադին։ Այս մասին գրել է Թուրքիայի նախկին ԱԳ նախարար Յաշար Յաքըշը Eurasia Review-ում, փոխանցում է «Ահվալ» գործակալությունը։

Ըստ Յաքըշի՝ անցյալ շաբաթ Էրդողանի կողմից հնարավոր զինված միջամտության վերաբերյալ Ռուսաստանն արդեն հստակ անհանգստություն է հայտնել, որն ուղեկցվել է նաև ԱՄՆ-ի քննադատությամբ։

Նա նշում է, որ Էրդողանը կարող է ցույց տալ գործողությունը կատարելու իր վճռականությունը հոկտեմբերի 30-31-ը անցկացվելիք G20-ի գագաթնաժողովի շրջանակում ԱՄՆ նախագահ  Ջո Բայդենի հետ բանակցություններից հետո։

«Անկարան վայելում է Վաշինգտոնի աջակցությունը Իդլիբում Ռուսաստանի դեմ պայքարում, բայց նույն ԱՄՆ-ն աջակցում է Սիրիայի քրդերին»,- գրում է Թուրքիայի նախկին ԱԳ նախարարը՝ նշելով․ «Իրադարձությունների այս լույսի ներքո Էրդողանը մինչև Հռոմի հանդիպումը, հավանաբար, ձեռնպահ կմնա ռազմական օպերացիայից։ Եթե նա հիասթափվի Բայդենի հետ բանակցություններից, կարող է դիմել նման գործողության»։

Բացի այդ, նա գրում է, որ Թուրքիայի՝ Սիրիա ներխուժելու կարողությունն ավելի է բարդանում, քանի որ փոխվել է միջազգային հանրության վերաբերմունքը Դամասկոսի նկատմամբ։

Յաքըշը նաև շեշտում է, որ ՌԴ նախագահ Վլադիմիր Պուտինի վերաբերմունքն էական նշանակություն կունենա ռազմական գործողություններ սկսելուց առաջ։

«Ռուսաստանը փորձարկում է Իդլիբում ընդդիմադիր զինյալներին զինաթափելու գործում Թուրքիայի գործողությունները, մինչդեռ արհամարհում է քուրդ զինյալներին հեռացնելու՝ 2019 թվականի Սոչիի խոստումները։ Երբ Թուրքիան և Ռուսաստանը բանակցում են լուծումների շուրջ, նրանց սովորաբար հաջողվում է պայմանավորել միջին դաշտում, սակայն եթե հանդիպում են ուժերի փորձարկման դաշտում, Ռուսաստանի՝ հաղթող դուրս գալու հնարավորություններն ավելի մեծ են»,- գրում է Թուրքիայի նախկին ԱԳ նախարարը։

Էմմա Չոբանյան