«Թասիբով դաշինք»-ի Գյումրու քաղաքապետի թեկնածուին հրավիրել են ոստիկանություն

Լուրեր

17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
Բոլորը

Գյումրու ՏԻՄ ընտրություններին մասնակցող «Թասիբով դաշինքի» քաղաքապետի թեկնածու Կարապետ Պողոսյանին հրավիրել են ոստիկանություն։ Այս մասին Factor.am-ի հետ զրույցում տեղեկացրեց թեկնածուն։

Նրա պարզաբանմամբ՝ պատճառը եղել է միայն իշխող կուսակցության՝ ՔՊ-ի քաղաքապետի թեկնածու, Շիրակի մարզպետ Հովհաննես Հարությունյանի հետ սուրճ խմելու և բանավիճելու իր ցանկությունը։

«Ես ուզում էի հասկանալ իր դիրքորոշումը քաղաքապետ առաջադրվելու հետ կապված։ Ինձ համար շատ տարօրինակ է՝ մարզպետն ինչո՞ւ է ուզում դառնալ քաղաքապետ։ Իհարկե, ինքը հարցազրույց էր տվել, թե ՏԻՄ-ը լծակներ ունի, ինքն էլ սիրում է Գյումրին, բայց դա պաթետիկ է հնչում։ Ուզում էի իր աչքերի մեջ նայել ու մի քանի հարց տալ, իմ ցանկությունը դա է եղել։ Մի քանի անգամ իրեն զանգել եմ, չի պատասխանել, երեկ էլ ինձ հրավիրել են ոստիկանություն, խնդրել են իրենից հեռու մնալ»,- ասաց նա։

Կարապետ Պողոսյանը չի հասկանում, թե ինչո՞ւ է ՔՊ-ի թեկնածուն խուսափում բանավեճից։

«Ինչո՞ւ է ինքը խուսափում բանավեճից, քաղաքականությունն առաջին հերթին բանավեճ է, ինչո՞ւ են հույսը դրել միայն այն բանի վրա, որ ամսի 15-ին բանավեճ է տեղի ունենալու Հանրայինով։ Բա որ ամսի 15-ին բանավեճը չկայանա՞։ Մարդկանց անկեղծությունն ինչո՞վ է երևում, իրար հետ բանավիճելով, ընդ որում` կառուցողական ու քաղաքակիրթ բանավիճելով»,- ասաց Կարապետ Պողոսյանը։

Factor.am-ը ՀՀ ոստիկանության հասարակայնության հետ կապի և լրատվության վարչության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանից հետաքրքրվեց՝ արդյո՞ք հրավիրել են թեկնածուին ոստիկանություն՝ հորդորելով հեռու մնալ մարզպետից։ Ի պատասխան մեր հարցադրման՝ ոստիկանությունից մեզ ուղարկեցին հետևյալ պարզաբանումը․ «Ոստիկանություն հրավիրվել է ոչ միայն ինքը, այլև ՏԻՄ ընտրություններին մասնակցող այլ անձինք, համայնքի ղեկավարներ, որոնց հետ քննարկվել են նախընտրական և ընտրական գործընթացների հետ կապված հարցեր»։

Մեզ առայժմ չի հաջողվել կապ հաստատել ՔՊ-ի թեկնածու Հովհաննես Հարությունյանի հետ։ Նրա պարզաբանումը ստանալու դեպքում այն ևս կհրապարակենք։

Արմիկ Մովսիսյան