27.11.2024 | 11:48
ՊԵԿ-ը տնտեսվարողների շրջանում իրազեկման միջոցառումներ է իրականացնում ապրանքների հսկիչ նշաններով դրոշմավորման վերաբերյալ
Պեսկովը չի բացառել, որ մինչև տարեվերջ տեղի կունենա ՌԴ ու Իրանի նախագահների հանդիպումը
Քաղաքականություն
07.10.2021 | 17:34
Կրեմլի խոսնակ Դմիտրի Պեսկովը չի բացառել, որ Ռուսաստանի նախագահ Վլադիմիր Պուտինի և Իրանի նախագահ Էբրահիմ Ռաիսիի հանդիպումը կարող է տեղի ունենալ միևչև տարեվերջ, գրում է ՏԱՍՍ գործակալությունը։
«Դա, իհարկե, բացառել չի կարելի»,- ասել է Պեսկովը՝ պատասխանելով նման հանդիպման հավանականության մասին հարցին։
Կրեմլի ներկայացուցչի խոսքով՝ այդ հարցը քննարկվում է, սակայն հստակ ժամկետը կախված է համաճարակային իրավիճակից։
Պեսկովը նաև նշել է, որ երկու կողմից կա նման հանդիպման անցկացման անհրաժեշտության ըմբռնում, պատրաստակամություն և այն նախապատրաստվում է։
«Երբ այն տեղի կունենա՝ կորոշվի դիվանագիտական խողովակներով՝ հաշվի առնելով, թե ինչպես է զարգանում համաճարակաբանական իրավիճակը»,- ասել է Պեսկովը։
Հավելենք, որ նախօրեին Մոսկվայում տեղի է ունեցել ՌԴ-ի և Իրանի ԱԳ նախարարների հանդիպումը։
Էմմա Չոբանյան
