14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
Վրաստանի վարչապետը կարող է հրաժարական տալ․ լրատվամիջոցները հայտնել են նաև նրան փոխարինողի անունը
Քաղաքականություն
07.10.2021 | 16:09
Վրաստանի վարչապետ Իրակլի Ղարիբաշվիլին կարող է հրաժարական տալ։ Այս մասին հայտնել է վրացական ընդդիմադիր TV Pirveli-ն՝ վկայակոչելով իշխող «Վրացական երազանք-ժողովրդավարական Վրաստան» կուսակցությունում սեփական աղբյուրին, գրում է Sputnik Georgia-ն։
Աղբյուրի փոխանցմամբ՝ Ղարիբաշվիլին կարող է հերթական անգամ զրկվել կառավարության ղեկավարի պաշտոնից՝ տեղական ինքնակառավարման մարմինների ընտրությունների ժամանակ շրջաններում պարտության պատճառով։
Վրաստանում ՏԻՄ ընտրություններն անցկացվեցին հոկտեմբերի 2-ին։ ԿԸՀ-ի նախնական տվյալներով՝ հոկտեբերի 30-ին 20 քաղաքներում քաղաքապետերի ընտրության երկրորդ փուլ կանցկացվի։
Ըստ աղբյուրի՝ Ղարիբաշվիլիին վարչապետի պաշտոնում կարող է փոխարինել Վրաստանի տարածաշրջանային զարգացման և ենթակառուցվածքների գործող նախարար Իրակլի Կարսելաձեն, որը համարվում է «Վրացական երազանքի» հիմնադիր Բիձինա Իվանիշվիլիի վստահված անձը։
Նշենք, որ Իրակլի Ղարիբաշվիլին առաջին անգամ վարչապետի պաշտոնը ստանձնել է 2013 թվականին՝ փոխարինելով Բիձինա Իվանիշվիլիին։ Այդպիսով, նա դարձավ Վրաստանի պատմության մեջ և ամբողջ Եվրոպայում ամենաերիտասարդ վարչապետը․ այն ժամանակ նա 31 տարեկան էր։
