07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Թուրքիայի ՊՆ ղեկավարը խոսել է «տարածաշրջանում խաղաղության և կայունության» կարևորության մասին
Քաղաքականություն
05.10.2021 | 21:30
Թուրքիայի պաշտպանության նախարար Հուլուսի Աքարն ադրբեջանական Report-ին տված հարցազրույցում ասել է, թե Վրաստանում Ադրբեջանի հետ անցկացվող զորավարժությունները նշանակալի են նման կարևոր տարածաշրջանի համար, ինչպիսին Կովկասն է, և օգտակար կլինեն զինված ուժերի համար։
Նա Թուրքիայի, Ադրբեջանի և Վրաստանի պաշտպանության նախարարների հանդիպումը լավ հնարավորություն է անվանել՝ հարաբերությունների քննարկման ու հեռանկարների գնահատման տեսանկյունից։
Թուրք նախարարը հայտնել է, որ հանդիպմանը նաև քննարկվել է տարածաշրջանում խաղաղության ու կայունության պահպանման հարցը։
«Այս տարածաշրջանը կարևոր է տարբեր տեսանկյուններից, նավթագազային խողովակաշարերի տեսանկյունից։ Դրա համար ոչ միայն մեզ, այլև տարածաշրջանի բոլոր երկրների համար կարևոր է, որ իշխի խաղաղությունն ու կայունությունը»,- ասել է Հուլուսի Աքարը։
Նշենք, որ Վրաստանում ընթացում են նաև երեք երկրների համատեղ զորավարժությունները։
Էմմա Չոբանյան
