30.07.2026 | 20:41
Ալիևը պետական այցով Ղրղզստանում է
Facebook-ի ինժեներներն անկյունահղկիչ են օգտագործել՝ սերվերներին հասնելու և դրանք վերագործարկելու համար
Քաղաքականություն
05.10.2021 | 14:02
Facebook-ի ինժեներներն անկյունահղկիչ են օգտագործել՝ սերվերներին հասնելու և զանգվածային խափանումից հետո դրանք ձեռքով վերագործարկելու համար։ Այս մասին Twitter-ում հայտնել է The New York Times-ի տեխնիկական հարցերով լրագրող Մայքլ Այզեկը՝ հղում կատարելով ընկերությունում միանգամից երեք աղբյուրի։
Քանի որ Facebook սոցցանցի աշխատանքի խափանումը վերաբերել է նաև ներքին մուտքի համակարգին, մուտքի քարտերն անօգուտ են եղել։ Այդ պատճառով որոշ աշխատակիցներ չեն կարողացել մուտք գործել իրենց աշխատատեղեր։ Գործունեության վերսկսման համար անհրաժեշտ է եղել ձեռքով վերբեռնել Քալիֆորնիայում սերվերների մի մասը, սակայն դրան խանգարել են էլեկտրոնային կողպեքները։ Արդյունքում ինժեներները ստիպված են եղել անկյունահղկիչ օգտագործել՝ դրանց հասանելիություն ստանալու համար։
Խափանման պատճառով, որը, նախնական վարկածով, առաջացել է ներքին սխալի հետևանքով, ընկերության սոցիալական ցանցերն ու մեսենջերները չեն աշխատել ավելի քան վեց ժամ: Facebook-ի բաժնետոմսերի արժեքը սակարկությունների ավարտին նվազել է 4․89%-ով:
Տաթև Ֆռանգյան
