30.07.2026 | 16:17
Տեխնիկական խոտանից օգտվելով՝ հաշվեհամարից հափշտակվել է ավելի քան 10.9 մլն դրամ․ գործն ուղարկվել է դատախազին
Այս քննարկումն ավելի վտանգավոր է․ իհարկե, սահմանները ներպետական օրենսդրությամբ չեն անցկացվում. Վլադիմիր Վարդանյան. ՏԵՍԱՆՅՈՒԹ
Քաղաքականություն
05.10.2021 | 11:30
Հայաստանի պետական սահմանները չեն որոշվում ՀՀ Վարչատարածքային բաժանման մասին օրենքով։ Ազգային ժողովի նիստում այս մասին հայտարարեց «Քաղաքացիական պայմանագիր» խմբակցության պատգամավոր Վլադիմիր Վարդանյանը և կոչ արեց օրակարգից չշեղվել:
«Այս քննարկումն ավելի վտանգավոր է: Իհարկե, սահմանները ներպետական օրենսդրությամբ չեն անցկացվում»,- նշեց պատգամավորը:
Դիմելով ընդդիմադիր պատգամավորներին՝ Վարդանյանը հետաքրքրվեց. «Արցախի անկախության տոնին ո՞ւր էիք, պարո՛ն Մամիջանյան, ինչու մեզ հետ Արցախում չէիք, կամ երբ որ ԵԽԽՎ-ում քննարկվում էր կարևորագույն նախագիծ, որտեղ պետք էր վերականգնել Արցախ, Լեռնային ղարաբաղ անվանումը, ինչո՞ւ մեզ հետ Ստրասբուրգում չէիք և պատգամավոր առ պատգամավոր չէիք համոզում, որ դա կենսական նշանակության հարց է»:
Վարդանյանը ևս մեկ անգամ հորդորեց դադարեցնել սահմանների վերաբերյալ քննարկումը. «Սա անպտուղ է և կարող է բերել վտանգավոր հետևանքների»:
