18.12.2025 | 18:51
ԵՄ-ն պատժամիջոցների ցանկում ներառել է Ռուսաստանի «ստվերային նավատորմի» ևս 41 լցանավ
Մենք դադարել ենք լինել Արցախի անվտանգության երաշխավորը. Քոչարյան. ՏԵՍԱՆՅՈՒԹ
Քաղաքականություն
04.10.2021 | 11:50
Պատերազմի ծանր պարտությունը մի շարք հարցեր է առաջացրել, բայց ցավոք հանրությունն այս մեկ տարվա ընթացքում որևէ հարցի տրամաբանված կամ ողջամիտ պատասխան չստացավ։ Այս մասին հրավիրված մամուլի ասուլիս ժամանակ նշեց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը։
Ռոբերտ Քոչարյանի դիտարկմամբ՝ այս ընթացքում ոչ միայն այս հարցերը չեն պատասխան ստացել, այլ նոր հարցեր են առաջացել, որոնք պատասխաններ չի տրվում։
«Արդյոք պատերազմն անխուսափելի՞ էր, թե՞ այն հրահրվել է՝ միտումնավոր կամ քաղաքական միամտությամբ։ Յուրաքանչյուր երկիր նախքան պատերազմը սկսելը պետք է անի բավական խորը վերլուծություն։ Առաջին հերթին համադրում են իրենց զինված ուժերի հնարավորությունը հակառակորդի զինված ուժերի հետ, փորձում են գնահատել այդ երկրի ներքաղաքական իրավիճակը, այնուհետև փորձում են հասկանալ հակառակորդ երկրի կառավարության ունակությունները՝ արդյոք այն կարող է կառավարել պատերազմը, որի հետո փորձում են հասկանալ, թե ինչպես իրենց կպահեն հակառակորդի դաշնակիցները»,- նշեց Քոչարյանը և հավելեց, որ ՀՀ նախկին պաշտպանության նախարարի առաջ քաշած «Նոր պատերազմ, նոր տարածքներ» թեզն Ադրբեջանին այլընտրանք չթողեց։
ՀՀ երկրորդ նախագահն ընդգծեց, որ 2018 թվականից սկսած Հայաստանի կառավարությունն արել է ամեն ինչ, որ Ադրբեջանն իրավիճակը բարենպաստ գնահատի՝ պատերազմի միջոցով Ղարաբաղի հարցը լուծելու համար։
Քոչարյանը նաև կարծիք հայտնեց, որ Հայաստանը դադարել է լինել Արցախի անվտանգության երաշխավորը:
Մանրամասները՝ տեսանյութում:
