07.11.2024 | 22:35
Փաշինյանը հանդիպում է ունեցել Մակրոնի հետ
Պուտինն ու Էրդողանը քննարկել են Թուրքիայում ևս երկու ատոմակայան կառուցելու հարցը
Քաղաքականություն
01.10.2021 | 19:40
Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը Սոչիում կայացած հանդիպմանը քննարկել են նաև Թուրքիայում Ռուսաստանի մասնակցությամբ ևս երկու ատոմակայանի կառուցման հնարավորության հարցը։ Այս մասին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ գործակալությունը։
«Իսկապես, խոսք գնացել է»,- ասել է Կրեմլի ներկայացուցիչը։
Պեսկովը հավելել է, որ խոսքը Թուրքիայի տնտեսությունում «փաստացի տնտեսության նոր ճյուղի ձևավորման մասին» է։
«Նոր էներգաբլոկների կառուցման թեման բարձրացվել է հանդիպմանը։ Կոնկրետ աշխարհագրական կետերն են նշվել, որտեղ Թուրքիան նախատեսում է դրանք ստեղծել»,- նշել է Պեսկովը։
Նրա խոսքով՝ երկու երկրների նախագահները խոսել են նման համագործակցության շարունակության հնարավորության մասին։
Հիշեցնենք, որ Սոչիում Էրդողանի ու Պուտինի հանդիպումը տեղի է ունեցել սեպտեմբերի 29-ին։ Կողմերի բանակցությունները տևել են շուրջ 3 ժամ։
Էմմա Չոբանյան
