27.11.2024 | 19:37
Կապանում ՌԴ գլխավոր հյուպատոսության բացման համար սպասում ենք ՀՀ պատասխանին․ Զախարովա
Բայդենը ստորագրել է ԱՄՆ-ում «շաթդաունը» կանխարգելելու մասին օրենքը
Քաղաքականություն
01.10.2021 | 18:32
ԱՄՆ նախագահ Ջո Բայդենը սեպտեմբերի 30-ի երեոյան ստորագրել է մինչև դեկտեմբերի 3-ը դաշնային կառավարության աշխատանքը ժամանակավոր ֆինանսավորելու մասին օրինագիծը, որի նպատակն է կանխարգելել մասնակի «շաթդաունը»: Այս մասին հաղորդում է DW-ի ռուսական ծառայությունը։
Վերջնաժամկետից մի քանի ժամ առաջ, որը սահմանված էր մինչև սեպտեմբերի 30-ի գիշերը, փաստաթուղթը հավանության է արժանացել ԱՄՆ Կոնգրեսի երկու պալատների կողմից՝ ստանալով երկու կուսակցությունների աջակցությունը։
Կառավարության ֆինանսավորումից բացի՝ փաստաթուղթը պարունակում է նաև դրույթներ արտակարգ իրավիճակների հետևանքների վերացման և Աֆղանստանից փախստականներին օգնելու համար լրացուցիչ միջոցներ հատկացնելու վերաբերյալ:
Նշվում է, որ այս օրենքը չի նախատեսում ԱՄՆ-ի պետական պարտքի սահմանաչափի ավելացում, ինչին ի սկզբանե փորձում էին հասնել դեմոկրատները Ներկայացուցիչների պալատում: Այս շաբաթվա սկզբին հանրապետականները Սենատում արգելափակեցին օրինագծի այն տարբերակը, որը ներառում էր դրույթ՝ կապված պետական պարտքի սահմանաչափի հետ:
ԱՄՆ ֆինանսների նախարար Ջանեթ Ելլենը նախազգուշացրել է, որ առանց այս միջոցի արդեն հոկտեմբերին երկիրը կհայտնվի դեֆոլտի վտանգի առաջ, ինչը, նրա խոսքով, կարող է հանգեցնել «պատմական ֆինանսական ճգնաժամի» և «տնտեսական աղետի»:
