30.07.2026 | 14:38
Ստորգետնյա անցում` քանդված կրպակի տակ․ ՏԵՍԱՆՅՈՒԹ
Ադրբեջանն Արցախյան պատերազմում զոհվածների նոր թվեր է ներկայացրել
Քաղաքականություն
01.10.2021 | 14:41
Ադրբեջանը ներկայացրել է Արցախյան 44-օրյա պատերազմում կորուստների թարմացված տվյալները։ Ադրբեջանական լրատվամիջոցների հաղորդմամբ՝ Ադրբեջանի զինվորական դատախազ, գեներալ-լեյտենանտ Խանլար Վելիևը հայտնել է, որ հաստատված զոհերի թիվը 2907 է։
«Մինչև հիմա լիովին հաստատվել է 2907 զինծառայողի ինքնություն, այդ թվում՝ մարտերի ընթացքում անհետ կորած։ Շարունակվում են օպերատիվ-հետաքննական միջոցառումները՝ պարզելու պատերազմի ժամանակ անհետ կորած ևս 7 զինծառայողի գտնվելու վայրը։ Ներկայում որոնողական խմբերն ինտենսիվ աշխատանք են տանում»,- ասել է Վելիևը։
Իսկ ահա Ադրբեջանի գլխավոր դատախազ Քամրան Ալիևը հայտարարել է, որ 7 զինծառայողներից մեկի մնացորդները գտնվել են։
«Վերջին օրերին տարածքներում, որտեղ մարտական գործողություններ են ընթացել, հայտնաբերվել է ադրբեջանցի ևս մեկ զինծառայողի մարմին։ Ներկայում նրա ինքնությունը պարզվում է ԴՆԹ հետազոտության միջոցով»,- ասել է Ալիևը։
Նշենք, որ հայկական կողմի տվյալներով ու տարբեր փորձագետների կարծիքով՝ ադրբեջանական կողմի կորուստները մի քանի անգամ ավելին են պաշտոնապես հայտարարված թվերից։
Էմմա Չոբանյան
