Ինչու Փաշինյանը ՄԱԿ-ում լռեց Թուրքիայի ռազմական հանցագործությունների մասին. ՏԵՍԱՆՅՈւԹ

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

ՄԱԿ-ի Գլխավոր վեհաժողովի 76-րդ նստաշրջանում Նիկոլ Փաշինյանի ելույթը քննադատությունների թիրախում է հայտնվել: Քաղաքական հակառակորդներն ու որոշ փորձագետներ Հայաստանի վարչապետին մեղադրում են՝ պնդելով, որ ելույթը թույլ էր և ոչ հայանպաստ: Փաշինյանն իր խոսքը կառուցել էր տարածաշրջանում խաղաղություն հաստատելու թեզերի շուրջ:

Տարածաշրջանում կայուն և հարատև խաղաղության հաստատելու համար վարչապետն առաջարկում է իրականացնել ռազմագերիների, պատանդների, այլ պահվող բոլոր անձանց վերադարձ, ինչպես նաև վերսկսել Լեռնային Ղարաբաղի հակամարտության կարգավորման խաղաղ գործընթացը՝ ԵԱՀԿ Մինսկի խմբի համանախագահության հովանու ներքո։

Ուշագրավ է, որ Փաշինյանն իր ելույթում Ադրբեջանին մեղադրելով Արցախի դեմ ագրեսիայի համար՝ շրջանցեց Թուրքիայի մասնակցության գործոնը: Պաշտոնական Անկարայի հասցեին չհնչեց որևէ քննադատություն, թեև պատերազմի օրերին հենց վարչապետն էր պարբերաբար տարբեր հարթակներից բարձրաձայնում պատերազմին Թուրքիայի ուղղակի և անթաքույց մասնակցության մասին։

Նիկոլ Փաշինյանը ՄԱԿ-ում իր ելույթում Թուրքիայի անունը հնչեցրեց միայն մեկ անգամ՝ Թուրքիան Հայաստանին կապող երկաթուղու և հաղորդակցության այլ ուղիների բացման մասին խոսելիս:

Ազգային ժողովի «Հայաստան» խմբակցության պատգամավոր Արծվիկ Մինասյանը կարծում է՝ Փաշինյանի ելույթն ընկալելի կլիներ, եթե չհաջորդեր Ալիևի և Էրդողանի՝ Հայաստանի առաջ նախապայմաններ դնող ելույթներին:

Հիշեցնենք՝ Ադրբեջանի նախագահը մինչ Փաշինյանն ունեցած ելույթում հայտարարել էր՝ «Հայաստանը պետք է ընտրություն կատարի տարածաշրջանային համագործակցության և իր հարևանների նկատմամբ տարածքային պահանջների միջև» և առաջ քաշել իրենց կողմից շրջանառության մեջ դրած, այսպես կոչված, «Զանգեզուրի միջանցքի» հարցը: Էրդողանն իր հերթին Հայաստանին մեղադրել էր Ադրբեջանի տարածքներն «օկուպացնելու» համար:

Նիկոլ Փաշինյանի թիմակից, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն առաջարկում է բոլոր հարցերն ուղղել Նիկոլ Փաշինյանին, այդ թվում՝ այն, թե ինչու ՄԱԿ-ի ամբիոնից չի հայտարարվել, որ նախկին ԼՂԻՄ մաս կազմող Շուշին և Հադրութն օկուպացված են Ադրբեջանի կողմից:

Մինչ Փաշինյանը կպատասխանի այս և այլ հարցերի, ԱԺ «Քաղաքացիական պայմանագիր» խմբակցության մեկ այլ պատգամավոր, պաշտպանության նախկին փոխնախարար Գագիկ Մելքոնյանը 44-օրյա պատերազմի մեկնարկից մեկ տարի անց հայտարարեց՝ տեղին չէր լինի ՄԱԿ-ի ամբիոնից խոսել Շուշիի և Հադրութի օկուպացիայի մասին:

Արծվիկ Մինասյանը Փաշինյանին մեղադրում է թուրք-ադրբեջանական շահերն սպասարկող ելույթ ունենալու համար, իսկ Անդրանիկ Քոչարյանը Մինասյանի գնահատականը ընդդիմադիր գործչի քննադատություն չի համարում:

Քաղաքական մեկնաբան Ռուբեն Մեհրաբյանն էլ նշում է՝ Հայաստանն իր առջև խնդիր է դրել տարանջատել մոտեցումները Թուրքիայի և Ադրբեջանի նկատմամբ՝ նրանց չդնելով նույն հարթության մեջ:

Թուրքիայի հետ հարաբերությունները կարգավորելու մասին Երևանը խոսել է 44-օրյա պատերազմում պարտությունից հետո: Անկարայից ամենաբարձր մակարդակով հայտարարում են, որ քննարկումներ կարող են լինել, եթե Հայաստանը տարածաշրջանում ճանապարհների ապաշրջափակման հարցում նոր զիջումների գնա:

Մանրամասները՝ տեսանյութում։

Նարեկ Կիրակոսյան