29.06.2026 | 18:05
Գերմանիայի հյուսիսում կրակոցների հետևանքով առնվազն 5 մարդ է զոհվել
Երեկ նստացույցին մասնակցած ազատամարտիկին կանչել են ոստիկանություն՝ հարցաքննության․ նստացույցը շարունակվում է. ՏԵՍԱՆՅՈՒԹ
Քաղաքականություն
22.03.2018 | 11:26
Ազատամարտիկ Վոլոդյա Ավետիսյանն ու իր աջակիցներից մի քանիսը շարունակում են նստացույցը։ Գիշերը խաղաղ է անցել, այսօր ևս կշարունակեն պայքարը, վստահեցնում են նստացույցի մասնակիցները։
Ազատամարտիկ Վոլոդյա Ավետիսյանը տեղեկացրեց, որ երեկ նստացույցին մասնակցած գյումրեցի ազատամարտիկներից մեկին՝ Յուրա Աթոյանին, կանչել են Գյումրու ոստիկանություն՝ հարցաքննության, իսկ թե որն է պատճառը, պատասխանեց․ «Եկան հասցեով հետաքրքրվեցին և երեկոյան հրավիրել են ոստիակնություն։ Ոչ մի բանի համար, ուղղակի վախեցնում են, մեկին են վախեցնում, մյուսին լսեցնում են, սա է մեր երկրի վիճակը»։
Նստացույցի մասնակիցների սակավաթվությունը կազմակերպիչներին չի հուսահատեցնում․ «Մի օր հետո, մի տարի հետո, երկու տարի հետո ես չգիտեմ, երբ կլինի, բայց ես պայքարելու եմ։ Կոռուպցիայի մեջ թաթախված է մեր երկիրը, թալանում են ժողովրդին, հանրությանը։ Մնացել է միայն մի հարկ սահմանեն՝ հայ լինելու համար հարկ վճարենք։ Եթե այս իշխանությունը մնաց, այդ օրն էլ է գալու»։
Մանրամասները՝ տեսանյութում։
Լիլիթ Շաբոյան
