14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Թուրքիան մտադիր է ՌԴ-ից ավելի շատ S-400-ներ գնել՝ չնայած ԱՄՆ-ի զգուշացումներին․ Էրդողան
Քաղաքականություն
27.09.2021 | 14:49
Թուրքիան, չնայած ԱՄՆ-ի զգուշացումներին, մտադիր է գնել ռուսական S-400 պաշտպանական համակարգերի երկրորդ խմբաքանակը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
Ամերիկյան CBS News-ին տված հարցազրույցում Էրդողանը հայտնել է, որ մտադիր չէ չեղյալ հայտարարել Թուրքիայի կողմից ռուսական S-400-երի գնման երկրորդ պատվերը, գրում է Middles East Eye-ը։
«Ապագայում ոչ ոք չի կարող միջամտել, թե մենք ինչ տեսակի պաշտպանական համակարգ կարող ենք ձեռք բերել, որ երկրից և ինչ մակարդակի։ Ոչ ոք չի կարող դրանում միջամտել, միայն մենք կարող ենք նման որոշումներ կայացնել»,- ասել է Էրդողանը։
Նշենք, որ Վաշինգտոնն իր հերթին պնդում է, որ այս համակարգերը վտանգ են ներկայացնում F-35 կործանիչների և ՆԱՏՕ-ի պաշտպանական համակարգերի համար։ Բացի այդ, ԱՄՆ-ն նաև պատժամիջոցներ է կիրառել Թուրքիայի ռազմաարդյունաբերության համալիրի ղեկավարության՝ տնօրեն Իսմայիլ Դեմիրի և երեք այլ պաշտոնյաների նկատմամբ։
Չնայած Վաշինգտոնը հայտարարել է նոր պատժամիջոցների մասին՝ Թուրքիան և Ռուսաստանը շարունակում են բանակցությունները երկրորդ խմբաքանակի ձեռքբերման շուրջ։ Սեպտեմբերի 29-ին էլ սպասվում է Էրդողանի այցը Սոչի և հանդիպումը ՌԴ նախագահ Վլադիմիր Պուտինի հետ։
Էմմա Չոբանյան
