15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
ՌԴ-ն Ղրիմում զորավարժություններ է սկսել
Քաղաքականություն
27.09.2021 | 14:42
Ղրիմում մեկնարկել են Նովոռոսիյսկի դեսանտագրոհային և հրետանային գնդերի լայնածավալ զորավարժությունները՝ շուրջ 2 հազար զինծառայողի և ավելի քան 100 միավոր ռազմական ու հատուկ տեխնիկայի մասնակցությամբ։ Այս մասին հայտնել են ՌԴ Պաշտպանության նախարարության տեղեկատվության և զանգվածային հաղորդակցության բաժնից:
Զորավարժությունները Ղրիմի արևելքում՝ Օպուկի վարժարանում, և կտևեն երեք օր, փոխանցում է ՏԱՍՍ-ը։
Զորավարժությունները սկսվել են ստորաբաժանումների երթով դեպի վարժանքի վայր։ Այդ նպատակով օգտագործվել են ԲՄԴՄ-4Մ դեսանտային ռազմական մեքենաներ ու «Ռակուշկա» ԲՏՌ-ՄԴՄ զրահափոխադրիչներ, որոնցով միավորումը համալրվել է այս տարի։
Դեսանտայինները օր ու գիշեր վարժանքներ կանցկացնեն պաշտպանությունը կազմակերպելու ուղղությամբ: Իսկ զորավարժության վերջին փուլում նախատեսվում են հարձակողական գործողություններ՝ վնաս պատճառելով պայմանական հակառակորդին T-72B3 տանկերից, 120 մմ 2S9 «Նոնա-Ս» ինքնագնաց հրետանային հրացաններից և 122 մմ տրամագծով D-30 հաուբիցներից:
Տաթև Ֆռանգյան
