16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Նիկոլ Փաշինյանը, Արայիկ Հարությունյանն անպայման կհրավիրվեն քննիչ հանձնաժողով. Անդրանիկ Քոչարյան. ՏԵՍԱՆՅՈՒԹ
Քաղաքականություն
22.09.2021 | 17:00
44-օրա պատերազմից արդեն անցել է մեկ տարի, և նոր խորհրդարանի ձևավորումից անցել է մեկ ամիս, սակայն դեռևս պատերազմի հանգամանքներն ուսումնասիրող հանձնաժողով չի ձևավորվել:
ԱԺ-ում լրագրողների հետ զրույցում ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը, անդրադառնալով հարցին, թե երբ կձևավորվի այն, նշեց, որ շուտով այդ հարցի պատասխանը կլինի. «Արդեն կանոնակարգված է, թե ինչպես է ձևավորվելու: Հանձնաժողովի ստեղծման և նրա լեգիտիմության մասին տարբեր պակերացումներ կան»:
Ովքե՞ր կհրավիրվեն քննիչ հանձնաժողով, արդյո՞ք Նիկոլ Փաշինյանն ու Արայիկ Հարությունյանը նույնպես կհրավիրվեն: Այս հարցին ի պատասխան՝ Քոչարյանը նշեց. «Անպայման: Նիկոլ Փաշինյանն ինքն է հայտնել իր պատրաստակամությունը, Էդուարդ Աղաջանյանն՝ ինքն է առաջարկել, բոլոր պաշտոնյաներն իրենք են առաջարկել, որովհետև հարցեր կան, պետք է մի քիչ հետ գնանք, հասկանանք՝ այս պարտությունը որտեղից եկավ… Սեյրան Օհանյանը ևս դատապարտված է գալ հանձնաժողով… »:
Քոչարյանը հավելեց, որ խաղաղության պատրաստվելու համար պետք է պատշաճ մակարդակով պատրաստ լինեն անվտանգության բոլոր մարմինները:
Մանրամասները՝ տեսանյութում:
