27.11.2024 | 14:22
Փաշինյանի իշխանության օրոք «պադավատների» թիվն ավելացել է՝ ի հեճուկս Փաշինյանի պնդումների
Ավստրալիան միջուկային սուզանավեր կկառուցի Չինաստանին հակազդելու համար․ Բրիտանիան և ԱՄՆ-ն կօգնեն նրան
Քաղաքականություն
16.09.2021 | 22:24
Միացյալ Նահանգները, Մեծ Բրիտանիան և Ավստրալիան պայմանավորվել են պաշտպանական և անվտանգության հարցերում սերտ գործընկերության մասին, որի շրջանակներում Ավստրալիան պատմության մեջ առաջին անգամ միջուկային էներգիայով սուզանավեր կկառուցի, գրում է BBC-ի ռուսական ծառայությունը:
Սակայն այն նախկինի նման միջուկային զենք չի ունենա։ Ավստրալիան ու նրա դաշնակիցներն անհանգստացած են Հնդկա-խաղաղօվկիանոսյան տարածաշրջանում Չինաստանի ռազմական ներկայության աճով։
AUKUS-ի երկրների (Ավստրալիա, Միացյալ Թագավորություն, ԱՄՆ) գործընկերության շրջանակներում Ավստրալիան իր դաշնակիցներից կստանա միջուկային սուզանավերի կառուցման տեխնոլոգիաներ և կդառնա աշխարհում միայն 7-րդ երկիրը, որն ունի նման նավատորմ:
Նաև երեք երկրները մտադիր են սերտորեն համագործակցել կիբերոլորտում, քվանտային տեխնոլոգիաներում և արհեստական բանականության ոլորտում:
Ըստ վերլուծաբանների՝ սա վերջին տասնամյակների ընթացքում երկրների միջև պաշտպանական ոլորտում համագործակցության ամենամեծ ծրագիրն է:
Վաշինգտոնում Չինաստանի դեսպանատունը պայմանագրի մասնակիցներին մեղադրել է «սառը պատերազմի մտածելակերպի և գաղափարական նախապաշարմունքների» մեջ:
Տաթև Ֆռանգյան
