04.04.2025 | 11:46
Թրամփի մերձավոր շրջապատը խորհուրդ է տալիս չզանգել Պուտինին, քանի դեռ նա չի համաձայնել ամբողջական հրադադարի
Մենք ցանկանում ենք, որ Հայաստանը սխալներ թույլ չտա․ Թուրքիայի ՊՆ-ն կրկին սպառնացել է Հայաստանին
Քաղաքականություն
15.09.2021 | 19:53
Թուրքիայի պաշտպանության նախարար Հուլուսի Աքարը կրկին սպառնացել է Հայաստանին․ թուրք-ադրբեջանական TurAz Şahini -2021 համատեղ զորավարժությունների շրջանակներում ճեպազրույցի ընթացքում Աքարն ասել է․ «Ցանկանում ենք, որ Հայաստանը պահպանի հրադադարի ռեժիմն ու սխալներ չգործի, որ հրադադարը լինի կայուն»։
Ադրբեջանական լրատվամիջոցների հաղորդմամբ՝ Թուրքիայի պաշտպանության նախարարը նաև նշել է, որ կարևոր է՝ Հայաստանը ընդունի իրեն առաջարկվող խաղաղությունը։
«Սակայն կոնկրետ պատասխան, ցավոք, դեռ չկա։ Մեր նպատակը կայանում է նրանում, որ կողմերն ապրեն խաղաղության, զարգացման ու անվտանգության պայմաններում»,-ասել է Հուլուսի Աքարը։
Բացի այդ, նա նաև նշել է, որ Ադրբեջանի հետ անցկացվող հաջող զորավարժությունները վախեցնում են թշնամիներին, սակայն միաժամանակ ոգևորում ընկերներին ու եղբայրներին։
«Ադրբեջանի նկատմամբ սպառնալիքները մենք համարում ենք սպառնալիք մեր հասցեին»,- ասել է Թուրքիայի պաշտպանության նախարարը։
Էմմա Չոբանյան
